«بيىل اۋىلدىق جەرلەردە ءسابي ءولىمىنىڭ كورسەتكىشى 30,6%-عا ارتقانى بايقالادى. بۇل رەتتە اۋىلدا بالالار ءولىمى قالامەن سالىستىرعاندا 38,7%-عا تومەن», دەدى اجار عينيات.
مينيستر اتاپ وتكەندەي, ايەلدەردىڭ دەنساۋلىعىن ساقتاۋ جانە بالالاردىڭ دەنساۋلىعىن نىعايتۋ ءۇشىن جۇكتى ايەلدەردى مەديتسينالىق باقىلاۋمەن قامتىلۋ كورسەتكىشى ءوستى.
«سونىمەن قاتار, بالالارداعى اۋرۋلار مەن دامۋ بۇزىلىستارىن ۋاقتىلى انىقتاۋ ءۇشىن جىل سايىن 3,1 ميلليوننان استام بالانى قامتيتىن پروفيلاكتيكالىق تەكسەرۋلەر, 1,6 ميلليوننان استام جاس بالالاردى سكرينينگتىك زەرتتەۋلەر جۇرگىزىلەدى», دەدى دەنساۋلىق ساقتاۋ ءمينيسترى.
قىركۇيەك ايىندا ەلىمىزدە «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى ازىرلەنگەنى بەلگىلى بولدى. ول بارلىق اۋىلدىق ەلدى مەكەندەردى العاشقى مەديتسينالىق-سانيتارلىق كومەك ۇيىمدارىمەن قامتاماسىز ەتۋ ارقىلى قالالىق جانە اۋىلدىق دەنساۋلىق ساقتاۋ اراسىنداعى تەڭگەرىمسىزدىكتەردى ازايتۋعا باعىتتالعان.
