«بايتەرەك» ساتىپ العاننان كەيىن بانك اتاۋى Bereke Bank دەپ وزگەردى. «بايتەرەك» ۇبح باسقارما توراعاسىنىڭ ورىنباسارى ەرسايىن حاميتوۆ اتالعان رەبرەندينگتىڭ بانك جۇمىسىنا قانداي وزگەرىستەر الىپ كەلەتىنىن ايتتى.
«جاقىن ارادا بانكتىڭ تولىق رەبرەندينگى جانە Visa, Master Card حالىقارالىق تولەم جۇيەلەرىمەن قىزمەتتى كەيىننەن قالپىنا كەلتىرۋمەن, ءموبيلدى قوسىمشالاردىڭ جۇمىسىن قالپىنا كەلتىرۋمەن, SWIFT-كودتى اۋىستىرۋمەن سانكتسيالار تىزىمىنەن شىعارۋ جوسپارلانىپ وتىر. سونىمەن قاتار كليەنتتىك اعىنداردى, دەپوزيتتىك جانە كرەديتتىك بازا كولەمدەرىن جاڭارتۋ بويىنشا جۇمىس جۇرگىزىلىپ جاتىر. بۇل ءوز كەزەگىندە بانكتىڭ بۇرىنعى تۇراقتىلىق دەڭگەيىن قالپىنا كەلتىرۋگە ىقپال ەتەدى», دەدى.
ونىڭ ايتۋىنشا, قازىر قارجى ينستيتۋتىنىڭ SDN تىزىمىندە بولۋىنا بايلانىستى بانكتىڭ قىزمەتى شەكتەلگەن. حولدينگ باسشىلىعىنىڭ ايتۋىنشا, بانكتى SDN تىزىمىنەن شىعارۋ ماسەلەسى پىسىقتالىپ جاتىر. بۇل پروتسەسس شامامەن 1-2 ايعا دەيىن سوزىلۋى مۇمكىن.
«قولدانىستاعى شەكتەۋلەردى الىپ تاستاعاننان كەيىن حولدينگ بانكتى باسەكەلەس ورتاعا بەرۋ جونىندەگى ءىس-شارالاردى وتكىزۋدى جوسپارلاپ وتىر. حالىقارالىق قارجى ۇيىمدارى, سونداي-اق باسقا دا ينستيتۋتسيونالدىق ينۆەستورلار بانكتىڭ الەۋەتتى ساتىپ الۋشىلارى بولا الادى», دەپ اتاپ ءوتتى ە.حاميتوۆ.
دەگەنمەن «بايتەرەك» ۇبح باسشىلىعى بانكتى ساتىپ الۋ ءۇشىن قانشا شىعىن جۇمسالعانىن جاريا ەتپەدى.
«بايتەرەك ەلدەگى اكتيۆتەردىڭ ەداۋىر كولەمىن, سونىڭ ىشىندە بانكتىك اكتيۆتەردى تابىستى باسقارادى, قاجەتتى قۇزىرەتتەرگە يە جانە ساتىپ الىنعان بانكتىڭ ءداستۇرلى كوشباسشىلىعىن ساقتاۋعا باعىتتالعان. مامىلە ءوزارا قولايلى قارجى شارتتارىندا جاسالدى جانە بارلىق قاجەتتى رەتتەۋشىلىك ماقۇلداۋلاردى الدى. مامىلە سونداي-اق ەنشىلەس بانكتى يەلەنگەن بارلىق ۋاقىت ىشىندە الدىڭعى اكتسيونەردىڭ جيناقتالعان ينۆەستيتسيالارىنىڭ تولىق قايتارىلۋىن قامتاماسىز ەتەدى», دەگەن جاۋاپ بەرۋمەن عانا شەكتەلدى.
ەسكە سالايىق, اقش قارجى مينيسرلىگى شەتەلدىك اكتيۆتەردى باقىلاۋ باسقارماسى (OFAC) 11 شىلدەدە ارنايى ليتسەنزيا شىعارىپ, «سبەربانك» اق ەنشىلەس بانكىمەن مامىلە جاساۋ بويىنشا مەرزىمدى 2022 جىلدىڭ 12 شىلدەسى مەن 2022 جىلدىڭ 11 قازانى ارالىعىندا بەلگىلەگەن ەدى.
