قازاقستان • 07 قازان، 2022

قازاقستان مەن اۋستريا اراسىنداعى بايلانىس نىعايادى

55 رەت كورسەتىلدى

قازاقستان سىرتقى ىستەر ءمينيسترىنىڭ ورىنباسارى رومان ۆاسيلەنكو ۆەناعا جۇمىس ساپارى اياسىندا اۋستريا رەسمي وكىلدەرىمەن بىرقاتار كەزدەسۋ وتكىزدى، دەپ حابارلايدى Egemen.kzء سىم ءباسپاسوز قىزمەتىنە سىلتەمە جاساپ.

اۋستريا فەدەرالدىق پرەزيدەنتىنىڭ حالىقارالىق ىستەر جونىندەگى كەڭەسشىسى گەردا فوگلمەن كەلىسسوز بارىسىندا ىنتىماقتاستىقتىڭ وزەكتى ماسەلەلەرى تالقىلاندى.

كەزدەسۋ بارىسىندا قازاقستانداعى ساياسي جانە الەۋمەتتىك-ەكونوميكالىق رەفورمالارعا ەرەكشە نازار اۋدارىلعان. سىرتقى ىستەر ءمينيسترىنىڭ ورىنباسارى اۋستريا تاراپىن الداعى كەزەكتەن تىس پرەزيدەنتتىك سايلاۋ، ەلدىڭ ساياسي جۇيەسىنىڭ ترانسفورماتسياسى تۋرالى حاباردار ەتتى.

اۋستريا ءسىم باس حاتشىسى پەتەر لاۋنسكي-تيففەنتالمەن كەزدەسۋدە وزەكتى وڭىرلىك جانە حالىقارالىق تاقىرىپتار قوزعالعان.

«كەلىسسوزدەر ناتيجەسىندە قازاقستان مەن اۋستريا وكىلدەرى ەكىجاقتى جانە كوپجاقتى كۇن ءتارتىبىنىڭ بارلىق تاقىرىپتارى بويىنشا تىعىز بايلانىستاردى جالعاستىرۋعا ۋاعدالاستى.

ۆەنادا بولۋ كەزىندە ر. ۆاسيلەنكو ەۋروپاداعى قاۋىپسىزدىك جانە ىنتىماقتاستىق ۇيىمىنىڭ وكىلدەرىمەن كەزدەسىپ، ۇيىمنىڭ حالىقارالىق ساياساتتاعى ءرولى جانە قازاقستاننىڭ ۇيىم ينستيتۋتتارىمەن ىنتىماقتاستىعىنىڭ پەرسپەكتيۆالارى بويىنشا وي ءبولىستى»، دەپ جازىلعان حابارلامادا.

سونىمەن قاتار قازاقستاندىق ديپلومات اۋستريانىڭ تانىمال باسىلىمدارىنىڭ ءبىرى «Die Presse» تىلشىسىنە سۇحبات بەردى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار