ايماقتار • 07 قازان، 2022

قوستاناي وبلىسىندا بىرقاتار شەنەۋنىك سوتتالدى

60 رەت كورسەتىلدى

قوستاناي اۋداندىق سوتىندا قوستاناي اۋدانى اكىمدىگىنىڭ جەر قاتىناستارى ءبولىمىنىڭ بۇرىنعى باستىعىنا قاتىستى قىلمىستىق ءىس قارالىپ، سوت ۇكىمى شىقتى، دەپ حابارلايدى Egemen.kz.

ەركىن سارىمبەت قىزمەتتىك جاعدايىن پايدالانىپ، الدىن الا ءسوز بايلاسۋ بويىنشا ادامدار توبىن قۇرىپ، الاياقتىق جاساعانى ءۇشىن جاۋاپكەرشىلىككە تارتىلدى.

ءۇش سوتتالۋشى جۇزدەگەن مىڭ تەڭگەدەن باستاپ ميلليونعا دەيىن پارا الىپ، جالپى كەزەكتى اينالىپ وتۋگە نيەت بىلدىرۋشىلەرگە جەر ۋچاسكەلەرىن بەرۋمەن اينالىسقاندارى انىقتالدى.

سوتتىڭ مالىمەتىنشە، 2020 جىلدىڭ مامىر-ماۋسىم ايلارى ارالىعىندا ە.سارىمبەت پەن جەكە كاسىپكەر مالىك سارسەنباەۆا الداۋ جانە سەنىمدى تەرىس پايدالانۋ جولىمەن الدىن الا ءسوز بايلاسۋ ارقىلى جالپى سوماسى 2،4 ملن تەڭگە ۇرلاعان.

سارسەنباەۆا مەن ونىڭ اعاسى ماكىشەۆ 2021 جىلدىڭ مامىر ايىندا سوتتالۋشى سارىمبەتتى قىلمىستىق ءىستى توقتاتۋ ءۇشىن لاۋازىمدى ادامعا پارا بەرۋگە كوندىردى.

پروكۋرور ايىپ تاعىلعان باپتار بويىنشا كەلەسى جازا تاعايىنداۋدى سۇرادى:

سارىمبەت - 4 جىل باس بوستاندىعىنان ايىرۋ، ءومىر بويى مەملەكەتتىك قىزمەتتە قىزمەت اتقارۋعا تىيىم سالۋ، سارسەنباەۆا - 7 جىل باس بوستاندىعىنان ايىرۋ،

ماقىشەۆ - 5 جىل باس بوستاندىعىنان ايىرۋ.

«سوتتالۋشى سارىمبەت كىنانى ءىشىنارا مويىندادى، سوتتالۋشىلار سارسەنباەۆا مەن ماقىشەۆ كىنانى مويىندامادى. ناتيجەسىندە سارىمبەتكە 5 جىل باس بوستاندىعىنان ايىرۋ، سارسەنباەۆاعا 7 جىل 6 اي باس بوستاندىعىنان ايىرۋ جانە ماقىشەۆكە 4 جىل باس بوستاندىعىنان ايىرۋ جازاسى تاعايىندالدى»، دەپ حابارلادى وبلىستىق سوتتا.

سوتتالۋشىلار ورتاشا قاۋىپسىزدىك قىلمىستىق-اتقارۋ جۇيەسى مەكەمەسىندە جازاسىن وتەيتىن بولادى. جابىرلەنۋشىلەردىڭ ازاماتتىق تالاپتارى ءىشىنارا قاناعاتتاندىرىلدى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار