سايلاۋ • 07 قازان، 2022

پرەزيدەنتتىككە ۇمىتكەر نۇرلان اۋەسباەۆ وسك-عا قۇجاتتارىن وتكىزدى

104 رەت كورسەتىلدى

«جالپىۇلتتىق سوتسيال-دەموكراتيالىق پارتيا» رەسپۋبليكالىق قوعامدىق بىرلەستىگى اتىنان پرەزيدەنتتىككە ۇمىتكەر نۇرلان اۋەسباەۆ ورتالىق سايلاۋ كوميسسياسىنا قۇجاتتارىن تاپسىردى، دەپ حابارلايدى Egemen.kz.

اتاپ ايتقاندا، ۇمىتكەر «جالپىۇلتتىق سوتسيال-دەموكراتيالىق پارتيا» رەسپۋبليكالىق قوعامدىق بىرلەستىگىنىڭ جوعارى ورگانى وتىرىسىنىڭ قازاقستان رەسپۋبليكاسىنىڭ پرەزيدەنتتىگىنە ۇسىنۋ تۋرالى حاتتاماسىنان ءۇزىندى، ن.س. اۋەسباەۆتىڭ قازاقستان رەسپۋبليكاسىنىڭ پرەزيدەنتتىگىنە كانديدات بولۋعا كەلىسىمى تۋرالى ومىرباياندىق دەرەكتەرى قوسا بەرىلگەن ءوتىنىشى، قازاقستان رەسپۋبليكاسى ورتالىق سايلاۋ كوميسسياسىنىڭ شوتىنا سايلاۋ جارناسىنىڭ ەنگىزىلگەنىن كۋالاندىراتىن قۇجات، جەكە باسىن كۋالاندىراتىن قۇجاتتىڭ كوشىرمەسى، جوعارى ءبىلىمى تۋرالى ديپلومداردىڭ كوشىرمەلەرىن ۇسىنعان.

نۇرلان اۋەسباەۆ 2022 جىلعى 7 قازاندا قازاقستان رەسپۋبليكاسىنىڭ ورتالىق سايلاۋ كوميسسياسىنا «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 54 جانە 55-باپتارىنا، سونداي-اق «قازاقستان رەسپۋبليكاسى پرەزيدەنتىنىڭ 2022 جىلعى 20 قاراشاعا تاعايىندالعان كەزەكتەن تىس سايلاۋى بويىنشا سايلاۋ قۇجاتتارىنىڭ نىساندارىن بەلگىلەۋ تۋرالى» قازاقستان رەسپۋبليكاسى ورتالىق سايلاۋ كوميسسياسىنىڭ 2022 جىلعى 23 قىركۇيەكتەگى № 67/545 قاۋلىسىنا سايكەس تالاپتاردى ورىنداعان.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار