پىكىر • 07 قازان، 2022

ءۇمىت ءسوزى

118 رەت كورسەتىلدى

پرەزيدەنت قاسىم-جومارت توقاەۆ پاۆلودار وڭىرىنە جاساعان ساپارىندا اكەمىز، جازۋشى، مەملەكەتتىك سىيلىقتىڭ لاۋرەاتى رامازان توقتاروۆ تۋرالى تاماشا ءبىر ەستەلىك ايتتى. مەملەكەت باسشىسىنىڭ اتالعان ەستەلىگىنەن كەيىن ەرەكشە تولقىپ، بولەك ءبىر كۇي كەشكەنىمىز راس.

دالىرەك ايتساق، مەملەكەت باس­شىسى پاۆلودارداعى اكەم وقىعان اباي اتىنداعى گيمنا­زياعا بارعان ەكەن. مەكتەپ ۇجى­مى ازىرلەگەن رامازان توقتاروۆ تۋرالى كورمەنى تاماشالاعان پرەزي­دەنت: «رامازان توقتاروۆ­تىڭ ءبىزدىڭ حالقىمىزعا وتە تانىمال، كورنەكتى جازۋشى ەكەنى كۇمانسىز. ونى مەن ءبىلۋشى ەدىم. ويتكەنى مارقۇم اكەم كەزىندە جازۋشىلار وداعىندا ونىمەن بىرگە، ءبىر كابينەتتە وتىردى. رامازان توقتاروۆ ءبىزدىڭ ۇيىمىزگە كەلىپ، اكەممەن دامدەس بولعان. ەكەۋى جاقسى ارالاستى، بىرگە ءجۇردى. سوندىقتان رامازان توق­تاروۆتىڭ شىعارماشىلىعىن جاقسى بىلەمىن. «ابايدىڭ جۇم­­­باعى» دەگەن رومانىن ول كىس­ى­­نىڭ ەڭبەكتەرىنىڭ شىڭى دەپ ايتۋ­­عا بولادى. رامازان توق­تاروۆ­­تىڭ جازۋ ءستيلى كۇردەلى ەمەس، بىراق بىرەگەي دەپ ايتۋعا بولا­­دى، وتە ەرەكشە. راما­­زان توقتاروۆ – وتە تانىمال، اسا قۇرمەتتى جازۋشى. ءبىز ءبارى­­مىز ونى ماقتان تۇتامىز»، دەپ ەس­­تەلىك ايتىپتى. سونداي-اق مەك­تەپ وقۋشىلارى مەملەكەت باس­شىسىنا اكەمنىڭ «ەرتىس مۇ­حيت­قا قۇيادى» دەگەن كىتابىن تارتۋ ەتىپتى.

بۇل ءبىز ءۇشىن، رامازان توق­تاروۆ­­تىڭ ۇرپاقتارى ءۇشىن زور مار­تە­بە، ماقتانىش. سوندىقتان ەرە­ك­شە ەستەلىگىمەن بولىسكەن مەم­لەكەت باسشىسىنا، مارتەبەلى مەي­مان­نىڭ نازارىنا اكەمىز تۋرالى كورمەنى ۇسىنعان مەكتەپ ۇجىمىنا شەكسىز العىسىمىزدى بىلدىرەمىز.

راس، كەزىندە وقىلىمدى جازۋ­شى­­لاردىڭ قاتارىندا بولعان اكەم­نىڭ ومىردەن وتكەن سوڭ نازاردان تىس قالىپ قويعا­نى­نا جۇ­رە­گىمىز اۋىرىپ، الاڭ­داۋ­شى ەدىك. پەرزەنتى بولعان سوڭ كىتاپت­ارى قايتا باسىلىپ، تۋىپ-وسكەن توپىراعى – پاۆلو­دار قا­لاسىنان ءبىر كوشەگە اتى بەرىلسە ەكەن دەپ ارماندايتىن­بىز. نە­سىن جاسىرايىق، پرەزيدەنتتىڭ راما­زان توقتاروۆ تۋرالى ايتقان ەستە­لىگى بىزگە ۇلكەن ءۇمىت سىيلادى. 

 

باقىت رامازانقىزى

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار