«ەۋروپالىق كوميسسيا ەو كەڭەسىنىڭ ۋكرايناعا قارسى اگرەسسيۆتى ارەكەتتەرىنە بايلانىستى رەسەيگە قارسى سەگىزىنشى سانكتسيالار پاكەتىن ماقۇلداۋىن قۇپتايدى. بۇل پاكەت حالىقارالىق سەرىكتەستەرمەن تىعىز ۇيلەستىرىلىپ, رەسەيدىڭ ۋكرايناعا قارسى باستاعان شيەلەنىسى مەن زاڭسىز سوعىسىنا جاۋاپ بولىپ سانالادى», دەلىنگەن ەۋروكوميسسيانىڭ حابارلاماسىندا.
سەگىزىنشى سانكتسيالار پاكەتى 7 ميلليارد ەۋرو كولەمىندەگى تاۋارلاردى يمپورتتاۋعا تىيىم سالۋدى, سونداي-اق ەكسپورتقا شەكتەۋلەردى قاراستىرادى.
بۇل قادامدار كرەملدىڭ اسكەري-ونەركاسىپتىك كەشەنىن نەگىزگى كومپونەنتتەر مەن تەحنولوگيالاردان, ال رەسەي ەكونوميكاسىن ەۋروپالىق قىزمەتتەر مەن تاجىريبەلەردەن ايىرادى.
«سونداي-اق سانكتسيالىق پاكەت G7-دە كوزدەلگەن مۇناي باعاسىنىڭ شەگىن ەنگىزۋ ماقساتىندا قاجەتتى قۇقىقتىق بازانى ىسكە اسىرۋ ءۇشىن نەگىز قالايدى», دەلىنگەن حابارلامادا
سونىمەن قاتار ەو جەكە جانە زاڭدى تۇلعالارعا, سونىڭ ىشىندە «دونەتسك» جانە «لۋگانسك حالىق رەسپۋبليكالارىندا», سونداي-اق ۋكراينانىڭ حەرسون جانە زاپوروجە وبلىستارىندا «رەفەرەندۋمدارعا» تىكەلەي قاتىسى بار ادامدارعا قارسى قوسىمشا سانكتسيالار ەنگىزەدى.
رەسەيدىڭ اسكەري, ونەركاسىپتىك جانە تەحنولوگيالىق تاۋارلارعا قولجەتىمدىلىگىن, سونداي-اق ونىڭ قورعانىس جانە قاۋىپسىزدىك سەكتورىن دامىتۋ مۇمكىندىكتەرىن ازايتۋعا باعىتتالعان قوسىمشا ەكسپورتتىق شەكتەۋلەر ەنگىزىلدى.
رەسەيگە قارسى تاعى ءبىر سانكتسيالار پاكەتى ۋكراينا اۋماقتارىن زاڭسىز اننەكسيالاۋعا جاۋاپ بولدى.
ء«بىز رەسەيدىڭ اسكەري ەكونوميكاسىنا ودان دا كوپ سوققى بەرەمىز. ءبىز ۋكراينا تەرريتوريالارىن زاڭسىز اننەكسيالاۋعا جاۋاپتى ادامداردى قۋدالايمىز. ەو ۋكراينانى قانشا قاجەت بولسا, سونشا قولدايدى», دەدى ەو ديپلوماتياسىنىڭ باسشىسى ج.بوررەل.
