اتالعان وڭىرلەردىڭ اۋىل شارۋاشىلىعى تاۋارىن وندىرۋشىلەر مەن قايتا وڭدەۋ كاسىپورىندارى ەلوردا تۇرعىندارى مەن قوناقتارىنا جوعارى ساپالى ەكولوگيالىق تازا ونىمدەردى ۇسىنباق. جارمەڭكەگە 130-عا جۋىق اۋىل شارۋاشىلىعى تاۋارىن وندىرۋشىلەر مەن قايتا وڭدەۋ كاسىپورىندارى قاتىسادى. اسسورتيمەنت 1200 توننادان استام ءونىمدى قۇرايدى.
ولاردىڭ ىشىندە: كارتوپ پەن كوكونىستەر - 741 توننا, ەتتىڭ بارلىق ءتۇرى جانە شۇجىق ونىمدەرى – 208 توننا, ءسۇت ونىمدەرى – 45 توننا, بالىق – 20 توننا, بال – 26 توننا, ۇن مەن ماكارون ونىمدەرى – 148 توننا, جۇمىرتقا – 125 مىڭ دانا, سونداي-اق وسى وڭىرلەردە وندىرىلەتىن وزگە دە ونىمدەر.
بارلىق ونىمدەر سانيتارلىق-ەپيدەميولوگيالىق تالاپتارعا ساي. ساتۋشىلاردا ونىمدەردىڭ شىعۋ تەگىن, ساپاسى مەن قاۋىپسىزدىگىن راستايتىن قۇجاتتار بولادى.
سونداي-اق ەلوردا تۇرعىندارى مەن قوناقتارى ءۇشىن كونتسەرتتىك باعدارلاما دايىندالدى.
ەستەرىڭىزگە سالا كەتەيىك, بۇل جارمەڭكە اۋىل شارۋاشىلىعى وندىرۋشىلەرىنە ءوز ونىمدەرىن دەلدالسىز تىكەلەي تۇتىنۋشىلارعا ساتۋعا مۇمكىندىك بەرەدى. ولاردىڭ ونىمدەرىنىڭ باعاسى نارىقتىق باعادان 10-20% تومەن بولادى.
جارمەڭكەلەر ءار سەنبى جانە جەكسەنبى كۇندەرى 30 قازانعا دەيىن وتەدى. وتەتىن ورنى: تۇران 48 مەكەنجايىنداعى «استانا-ارەنا» ستاديونىنىڭ جانىنداعى الاڭ. كەلەسى بولىپ 15-16 قازاندا ءوز ونىمدەرىن پاۆلودار وبلىسىنىڭ كاسىپكەرلەرى ۇسىنادى.
