«مەن ەلىمىزدىڭ ساياسي, الەۋمەتتىك, قۇقىقتىق, جانە باسقا دا ماڭىزدى جۇيەلەرىن تۇبەگەيلى جاڭعىرتۋ ءۇشىن اۋقىمدى رەفورما جۇرگىزدىم. بۇل رەفورمالار حالىقتىڭ تۇرمىسىن تۇزەۋگە, ءار ادامنىڭ قۇقىعىن تولىق قورعاۋعا, دەموكراتيالىق ۇدەرىستەردى جەدەل جۇرگىزۋگە باعىتتالعان. ءبىر سوزبەن ايتقاندا, بارلىعى تەك حالىق ءۇشىن جاسالىپ جاتىر», دەدى پرەزيدەنت.
سونداي-اق ول بۇل جۇمىستاردىڭ مەملەكەتتىلىگىمىزدى نىعايتۋعا ارنالعانىن دا جەتكىزدى.
«جالپى, كوپ جۇمىس اتقارىلدى دەپ ايتۋعا بولادى. بىراق بۇل – كۇردەلى جولدىڭ باسى عانا. سوندىقتان ءبىز «حالىق ۇنىنە قۇلاق اساتىن مەملەكەت» تۇجىرىمداماسىن باسشىلىققا الىپ, ءادىل قوعام قۇرۋعا كىرىستىك. ساياسي رەفورمانىڭ ءتورت توپتاماسىن جۇزەگە اسىردىق», دەدى قاسىم-جومارت كەمەل ۇلى.
