قوعام • 06 قازان، 2022

الماتىدا قارجى پيراميداسىن ۇيىمداستىرعاندار سوتتالدى

39 رەت كورسەتىلدى

الماتىدا قارجى پيراميداسىنىڭ ۇيىمداستىرۋشىلارىنا قاتىستى سوت ۇكىمى شىقتى، دەپ حابارلايدى Egemen.kz.

الماتى قالاسى بوستاندىق اۋدانىنىڭ №2 اۋداندىق سوتىندا قارجى پيراميداسىن قۇرۋ فاكتىسى بويىنشا 9 سوتتالۋشىعا قاتىستى قىلمىستىق ءىس قارالدى.

«سوت 2019 جىلدىڭ ءساۋىرى مەن 2020 جىلدىڭ قاراشاسى ارالىعىندا الاياقتىق ءۇشىن ەكى رەت سوتتالعان يا. ەسىمدى ازاماتشانىڭ قارجى پيراميداسىن قۇرىپ، باسقارعانىن انىقتادى. بۇدان ءارى ول كومپانياعا تاعى 7 ازاماتتى تارتىپ، ولاردىڭ اتىنا I جانە G جاۋاپكەرشىلىگى شەكتەۋلى سەرىكتەستىكتەرىن تىركەدى. جوعارىدا اتالعان سەرىكتەستىكتەر جاڭا سالىمشىلاردىڭ اقشالاي جارنالارى ەسەبىنەن بۇرىن جۇگىنگەن سالىمشىلاردى اقشالاي قاراجاتپەن بايىتۋ ءۇشىن قىزمەت ەتتى»، دەلىنگەن سوت حابارلاماسىندا.

سوتتىڭ مالىمەتىنشە، سوتتالۋشى قۇرعان سحەما رەسپۋبليكا اۋماعىندا تىيىم سالىنعان قارجى پيراميداسى بولعان. بۇل رەتتە كۇدىكتى استانا، تاراز، اقتاۋ، قاراعاندى جانە سەمەي قالالارىندا قۇرىلىمدىق بولىمشەلەر قۇردى، ولار دا جابىرلەنۋشىلەردى تارتىپ، وعان تىكەلەي ەسەپ بەردى.

«جەڭىل پايدا تابۋدى قالاپ، ول باسقا قاتىسۋشىلارمەن بىرلەسىپ، تابىسى جوعارى ينۆەستورلاردى تارتا وتىرىپ، جارنامالىق كامپانيالار جۇرگىزدى. ەكونوميكالىق قىزمەتكە ليتسەنزياسى جوق جشس سالىمشىلاردى تارتۋمەن اينالىسىپ، ولارعا ۆاليۋتا نارىعىندا ويدان شىعارىلعان ينۆەستيتسيالىق وپەراتسيالاردى ۇسىندى. وسى سحەمامەن 209 جابىرلەنۋشىگە اسا ءىرى مولشەردە - 931 672 ميلليون تەڭگە شىعىن كەلتىرىلدى»، دەلىنگەن حابارلامادا.

سوت ۇكىمىمەن 8 ادام قارجى پيراميداسىن جانە ولاردىڭ قۇرىلىمدىق بولىمشەلەرىن قۇرۋعا جانە باسقارۋعا، سونداي-اق قارجى پيراميداسىنىڭ قىزمەتىنە جاردەمدەسۋگە كىنالى دەپ تانىلدى.

«سوتتالۋشى يا-عا كوممەرتسيالىق جانە قارجى ۇيىمدارىنىڭ باسشىلىعىمەن بايلانىستى قىزمەتپەن اينالىسۋ قۇقىعىنان 5 جىلعا ايىرا وتىرىپ، 9 جىل 6 اي باس بوستاندىعىنان ايىرۋ تۇرىندەگى جازا تاعايىندالدى. قالعان سوتتالۋشىلارعا 5 جىلدان 6 جىلعا دەيىن باس بوستاندىعىنان ايىرۋ جازاسى تاعايىندالدى»، دەپ تۇيىندەدى الماتى قالاسى بوستاندىق اۋدانىنىڭ № 2 اۋداندىق سوتىنىڭ ءباسپاسوز قىزمەتى.

سوڭعى جاڭالىقتار

قازاق بالۋانى ۇلىقتالدى

قوعام • بۇگىن، 14:36

6 جەلتوقسان - پروكۋراتۋرا كۇنى

قازاقستان • بۇگىن، 13:00

سقو-دا 50 جىلقى مۇز استىندا قالدى

ايماقتار • بۇگىن، 09:18

اشىقتىق – ماڭىزدى ۇستانىم

ساياسات • بۇگىن، 08:10

باعا بۇلقىنىسى

ەكونوميكا • بۇگىن، 08:09

استىقتى وڭىردە ۇن تاپشى

ايماقتار • بۇگىن، 08:07

جوندەۋشى تاپشى

قوعام • بۇگىن، 08:05

بالا ءدىلمارلار بايقاۋى

ايماقتار • بۇگىن، 08:02

ۇقساس جاڭالىقتار