تاعايىنداۋ • 06 قازان، 2022

ماعجان ءىلياسوۆ قازاقستاننىڭ ۇلىبريتانياداعى ەلشىسى بولىپ تاعايىندالدى

41 رەت كورسەتىلدى

مەملەكەت باسشىسىنىڭ جارلىعىمەن ماعجان جانبوتا ۇلى ءىلياسوۆ قازاقستان رەسپۋبليكاسىنىڭ ۇلىبريتانيا جانە سولتۇستىك يرلانديا قۇراما كورولدىگىندەگى توتەنشە جانە وكىلەتتى ەلشىسى بولىپ تاعايىندالدى، ول قازاقستان رەسپۋبليكاسىنىڭ بۇۇ جانىنداعى تۇراقتى وكىلى لاۋازىمىنان بوساتىلدى، دەپ حابارلايدى Egemen.kz.

ماعجان ءىلياسوۆ 1974 جىلى 26 تامىزدا الماتى قالاسىندا تۋعان. قازاق مەملەكەتتىك الەم تىلدەرى ۋنيۆەرسيتەتىنىڭ حالىقارالىق قاتىناستار فاكۋلتەتىن جانە گارۆارد ۋنيۆەرسيتەتىنىڭ دج. كەننەدي اتىنداعى مەملەكەتتىك باسقارۋ مەكتەبىنىڭ ماگيستراتۋراسىن بىتىرگەن.

ديپلوماتيالىق مانسابىن 1996 جىلى قر ءسىم حالىقارالىق ۇيىمدار مەن حالىقارالىق ەكونوميكالىق قاتىناستار باسقارماسىنىڭ رەفەرەنتى رەتىندە باستاپ، كەيىننەن اتتاشە لاۋازىمدىندا جالعاستىردى.

1998-1999 جىلدارى قر ءسىم-ءنىڭ بۇۇ جانە حالىقارالىق ەكونوميكالىق ۇيىمدار باسقارماسىنىڭ ءۇشىنشى، ەكىنشى حاتشىسى قىزمەتتەرىن اتقارعان.

1999 جىلدان 2003 جىلعا دەيىن قر پرەزيدەنتى اكىمشىلىگىنىڭ پروتوكول قىزمەتىنىڭ كونسۋلتانتى بولىپ جۇمىس ىستەدى.

ودان كەيىن 2003-2005 جىلدارى قر پرەزيدەنتى كەڭسەسىنىڭ ۇيىمداستىرۋ جانە قۇجاتتامالىق قامتاماسىز ەتۋ توبىنىڭ باس ساراپشىسى بولدى.

2005-2012 جىلدارى قر پرەزيدەنتى اكىمشىلىگىنىڭ سىرتقى ساياسات ورتالىعىندا جۇمىس ىستەدى، وندا باس ساراپشىدان ورتالىق مەڭگەرۋشىسى لاۋازىمىنا دەيىن جەتتى.

2013-2016 جىلدارى قر پرەزيدەنتىنىڭ كەڭەسشىسى - قر پرەزيدەنتى اكىمشىلىگى سىرتقى ساياسات ورتالىعىنىڭ مەڭگەرۋشىسى بولدى.

2016-2020 جىلدارى قازاقستاننىڭ نيدەرلاندتاعى ەلشىسى جانە حيميالىق قارۋعا تىيىم سالۋ ۇيىمىنداعى قر تۇراقتى وكىلى قوسا اتقارۋشى بولدى.

قازاقستاننىڭ ۇلىبريتانياداعى ەلشىسى بولىپ تاعايىندالعانعا دەيىن 2020 جىلدان باستاپ نيۋ-يوركتە قازاقستاننىڭ بۇۇ جانىنداعى تۇراقتى وكىلى رەتىندە جۇمىس ىستەدى.

ول توتەنشە جانە وكىلەتتى ەلشى ديپلوماتيالىق دارەجەسىنە يە.

سوڭعى جاڭالىقتار

قازاق بالۋانى ۇلىقتالدى

قوعام • بۇگىن، 14:36

6 جەلتوقسان - پروكۋراتۋرا كۇنى

قازاقستان • بۇگىن، 13:00

سقو-دا 50 جىلقى مۇز استىندا قالدى

ايماقتار • بۇگىن، 09:18

اشىقتىق – ماڭىزدى ۇستانىم

ساياسات • بۇگىن، 08:10

باعا بۇلقىنىسى

ەكونوميكا • بۇگىن، 08:09

استىقتى وڭىردە ۇن تاپشى

ايماقتار • بۇگىن، 08:07

جوندەۋشى تاپشى

قوعام • بۇگىن، 08:05

بالا ءدىلمارلار بايقاۋى

ايماقتار • بۇگىن، 08:02

ۇقساس جاڭالىقتار