«بۇگىن جوعارعى كەڭەستىڭ وتىرىسىندا دەپۋتاتتار قىرعىز رەسپۋبليكاسى جوعارعى كەڭەسىنىڭ توراعاسىن سايلادى. توراعا لاۋازىمىنا دەپۋتات نۇرلانبەك شاكيەۆ ۇسىنىلدى. بيۋللەتەندەردى پايدالانا وتىرىپ, جاسىرىن داۋىس بەرۋدىڭ قورىتىندىسى بويىنشا, قىرعىز رەسپۋبليكاسى جوعارعى كەڭەسىنىڭ توراعاسى بولىپ دەپۋتات ن.شاكيەۆ سايلاندى. ونىڭ كانديداتۋراسىنا جوعارعى كەڭەستىڭ 80 دەپۋتاتى داۋىس بەردى», دەلىنگەن رەسمي حابارلامادا.
45 جاستاعى ن.شاكيەۆ 2021 جىلى پارلامەنت دەپۋتاتى بولىپ سايلاندى. ول – «اتا-جۇرت قىرعىزستان» پارلامەنتتىك فراكتسياسىنىڭ جەتەكشىسى. 2006-2010 جىلدارى قىرعىزستاننىڭ بۇرىنعى پرەزيدەنتى قۇرمانبەك باكيەۆتىڭ ءباسپاسوز حاتشىسى قىزمەتىن اتقارعان. 2010-2011 جىلدارى رەسپۋبليكانىڭ مادەنيەت جانە اقپارات مينيسترلىگىن باسقاردى.
ەسكە سالايىق, كەشە پارلامەنتتىڭ بۇرىنعى سپيكەرى تالانت مامىتوۆ ءوز ەركىمەن وتستاۆكاعا كەتەتىنىن مالىمدەگەن ەدى.
