راس, پاۆلودارعا وليمپيادالىق سپورت تۇرلەرىمەن اينالىسۋعا قاجەتتى مۇنداي كەشەن كەرەك-اق. بۇل تۋرالى تالاي مارتە ايتىلدى دا. ءبىزدى مەملەكەت باسشىسىنىڭ جۇرتشىلىق كوتەرگەن وسىناۋ باستاماعا نازار اۋدارىپ, قولداۋ بىلدىرگەنى قۋانتتى. دەمەك ارمانىمىزدىڭ ورىندالار كۇنى الىس ەمەس دەگەن ءسوز.
جالپى, پاۆلودار وبلىسى – قىسقى سپورت تۇرلەرىن دامىتۋعا قولايلى ايماق. جەرگىلىكتى جاستار دا قىسقى سپورت تۇرلەرىنە بەيىم. اسىرەسە سوڭعى جىلدارى جاستار تاراپىنان قىزىعۋشىلىق كوبەيدى. سوندىقتان زاماناۋي مۇز سارايىنىڭ قاجەتتىلىگى تۋىنداپ وتىر. مەملەكەت باسشىسى دا مۇنداي كەشەننىڭ ماڭىزى زور ەكەنىن ەسكەرتتى.
راسىندا دا, سپورتشىلاردان مەدال كۇتۋ ءۇشىن الدىمەن ولارعا لايىقتى جاعداي جاساۋ كەرەك. ءبىز كۇتكەن مۇز سارايى ىسكە قوسىلسا, پاۆلودار وڭىرىنەن وليمپيادا چەمپيوندارى مەن جۇلدەگەرلەرىنىڭ كوپتەپ شىعارىنا سەنەمىن.
اتاپ وتەرلىگى, مەملەكەت باسشىسى ەلدەگى, ونىڭ ىشىندە وڭىرلەردەگى سپورتتىڭ دامۋىنا ەرەكشە كوڭىل ءبولىپ وتىر. ايماقتاردى زاماناۋي سپورتتىق ينفراقۇرىلىمدارمەن قامتاماسىز ەتۋگە نازار اۋدارىلىپ جاتىر. وسىنىڭ ءبارى بىزگە قۋانىش سىيلايدى.
سپورت – ۇلتتىڭ ساۋلىعى. سوندىقتان بۇعان ءاتۇستى قاراۋعا بولمايدى. ءبىز سپورتتى دامىتۋ ارقىلى دەنى ساۋ ۇرپاق قالىپتاستىرامىز.
ليۋدميلا پروكاشەۆا,
كونكيمەن جۇگىرۋدەن ناگانو وليمپياداسىنىڭ قولا جۇلدەگەرى
پاۆلودار وبلىسى
