ساياسات • 05 قازان، 2022

اعا بۋىننىڭ قولداۋى

65 رەت كورسەتىلدى

ەلوردادا وتكەن «ارداگەرلەر ۇيىمى» رەسپۋبليكالىق قوعامدىق بىرلەستىگىنىڭ كەزەكتەن تىس ح سەزىندە ۇيىم وكىلدەرى الداعى پرەزيدەنت سايلاۋىندا قاسىم-جومارت كەمەل ۇلى توقاەۆتىڭ كانديداتۋراسىن قولدايتىندارىن مالىمدەدى.

«سەزدىڭ كۇن تارتىبىندە قازاق­ستان رەسپۋبليكاسى پرەزي­دەنتتىگىنە كانديدات ۇسىنۋ ماسە­لەسى تۇر. بىزگە بۇگىنگى سىن-قاتەرگە تولى ۋاقىتتا الەمدىك ساياساتتىڭ جاعدايىن جاقسى تۇسىنەتىن، ەل مۇددەسى ءۇشىن قاجەت كەزدە باتىل شەشىم قابىلداپ، كوش باس­تاي الاتىن ساياسي تۇلعا قاجەت»، دەگەن «ارداگەرلەر ۇيىمى» رقب ورتالىق كەڭەسىنىڭ توراعاسى باقتىقوجا ىزمۇحامبەتوۆ ەلىمىز ءۇشىن ماڭىزدى ساياسي ناۋقانعا دايىندىق باستالعانىن اتاپ ءوتتى.

– قازىرگى جاعدايدى گەوسايا­سي احۋالعا بايلانىستى قاراس­تىراتىن بولساق، پرەزيدەنتتىڭ وكىلەتتىلىگىن 7 جىلعا دەيىن ۇزار­تۋى دۇرىس شەشىم ءارى باتىل قادام دەپ سانايمىن. كەزەكتەن تىس سايلاۋ وتكىزۋ ۇسىنىسىن دا قولدايمىن. ەلىمىزدىڭ بولاشاعى، بالالارىمىز بەن نەمەرەلەرىمىز ءۇشىن مەملەكەتتە تۇراقتىلىقتىڭ بولعانى ماڭىزدى. سونىمەن بىر­گە مەملەكەت باسشىسىنىڭ العا قويعان باعدارلامالارىن ورىنداۋ ءۇشىن 7 جىل وتە قولاي­لى كەزەڭ. بۇل – پرەزيدەنت باستا­عان رەفورمالاردى جۇزەگە اسىرۋ­عا جەتكىلىكتى ۋاقىت. قاسىم-جومارت توقاەۆ كەزەكتەن تىس سايلاۋ وتكىزۋدى ۇسىنۋ ارقى­لى ەل تاعدىرىنا ۇلكەن جاۋاپ­كەر­شىلىكپەن قاراۋ مىندەتىن قويىپ وتىر. ەلىمىزدە ءبىلىمدى، كوزى اشىق، ۇلتجاندى ازاماتتار از ەمەس. پرەزيدەنتتىككە كانديدات بولعىسى كەلەتىندەر دە ارقاشان تابىلادى. ماسەلە بيلىككە ۇمتىلۋ­دا ەمەس، ساياسي سالماقتا. الداعى سايلاۋ – بۇل جاي عانا پرەزي­دەنتتى تاڭداۋ ەمەس، جالپى قازاق­ستاننىڭ حالىقارالىق دەڭ­گەي­دەگى پوزيتسياسى مەن ىش­كى سايا­ساتىنىڭ باعىتتارىن انىقتاۋ­عا باعدارلانعان ساياسي قادام بول­ماق، – دەپ اتاپ ءوتتى ار­دا­گەرلەر بىر­لەستىگىنىڭ توراعاسى.

سونداي-اق باقتىقوجا ىزمۇ­حام­بەتوۆ قازاقستاندا قابىل­دان­عان رەفورمالاردىڭ ىسكە اسۋىن ءسوز ەتتى.

– سوڭعى ۋاقىتتا مەملەكەت باسشىسىنىڭ قابىلداعان رەفورمالارى كوپتىڭ كوڭىلىنەن شىعىپ جاتقانىن وتكەن رەفەرەندۋمعا حالىقتىڭ بەلسەندى قاتىسقانىنان اڭعارۋعا بولادى. رەفورمانىڭ جولى ەشقاشان جەڭىل بولعان ەمەس. ەلىمىز جاڭا تاريحي كەزەڭگە قادام باستى. پرەزيدەنت ادىلەتتى قازاق­ستاندى قۇرۋ جولىندا تۇبە­گەيلى جانە جان-جاقتى رەفور­مالاردى تابىستى جۇزەگە اسىرۋ ءۇشىن، حالىقتىڭ جاڭا سەنىم مان­داتى قاجەتتىگىن، مەملەكەت مۇد­دەسىن بارىنەن بيىك قويا­تى­نىن جانە كەزەكتەن تىس پرە­زي­دەنت سايلاۋىنا بارۋعا دايىن ەكە­نىن ايتتى. پرەزيدەنت مان­داتى­نىڭ ۇزاقتىعىن، قايتا ساي­لانۋ­عا تىيىم سالىناتىن جەتىجىل­دىق ءبىر مەرزىممەن شەكتەۋدى ۇسىن­دى. بۇل بولاشاقتا بيلىكتى مەن­شىكتەپ الۋدىڭ كەز كەلگەن əرەكەتىنىڭ الدىن الادى. وسى رەفور­ما­لار ويداعىداي ىسكە اسقان سا­يىن، ەل ازا­ماتتارىنىڭ əل-اۋقاتى كوتەرىلە تۇسەدى. مەملە­كەتى­­مىز ءۇشىن ماڭىزدى ساياسي ناۋ­قانعا ءبىز، اردا­گەرلەر ۇلكەن جاۋاپ­كەر­­­شى­لىك­پەن قاراۋىمىز كەرەك. قازىر­گى ۋا­قىتتا پرەزيدەنتتىڭ ۇسىنعان رە­فور­مالارىن قولداۋ ەلى­مىزدىڭ بو­لا­شاعى ءۇشىن اسا ما­ڭىزدى. دۇ­نيە ءجۇزىن جايلاعان ەكو­­نو­ميكا­لىق قيىندىق ءبىز­دىڭ ەلىمىزدى دە اينالىپ وتكەن جوق. كورشىلەرى­مىز­دە بولىپ جات­قان شيەلەنىستەر، سالىنعان سانك­تسيالار، ءتۇرلى شەكتەۋلەر قازاق­ستاننىڭ ەكونوميكاسىنا دا اسەر ەتپەي قويمايدى. سول سەبەپتى مەم­لەكەت باسشىسىنىڭ ساياساتى­نا قولداۋ كورسەتىپ، قوعام دامۋىن­داعى وزگەرىستەردىڭ ءمان-جايىن حالىق اراسىندا ءتۇسىندىرۋ – اردا­گەر­لەردىڭ نەگىزگى مىندەتىنىڭ ءبىرى، – دەدى ول.

سەزدە وڭىرلەردەن كەلگەن ارداگەرلەر كەڭەسىنىڭ وكىلدەرى دە ءسوز الىپ، پىكىر ءبىلدىردى.

– مەملەكەت باسشىسى حالىق­قا ۇندەۋىندە، سايلاۋ ناۋقا­نى­نىڭ قاتاڭ تۇردە زاڭعا سايكەس، ءادىل ءارى اشىق وتەتىنىنە كەپىل­دىك بەرەتىنىن جاريالاپ، بارشا ازامات­تارى­مىزدىڭ جاۋاپكەرشىلىكتى سەزىنىپ، دەمو­كراتيا، زاڭ جانە ءتارتىپ قاعي­­داتتارىن بەرىك ۇستاۋعا شا­قىر­­دى. الايدا كەزەكتەن تىس پرە­­زيدەنت سايلاۋىنىڭ وتەتىن كۇنى بەلگىلەنگەننەن باستاپ ەل ارا­سىنداعى رۋحاني قۇندىلىق­تارى­مىزدى ورىستەتۋدىڭ ورنىنا، ارازدىق قۇرالدارىن پايدالانىپ، ىرىتكى سالۋشىلار قارقىنى بەلەڭ الۋدا. قازىر بەل­گىلى ءبىر توپتار، ولاردىڭ جانداي­شاپ بەلسەن­دىلەرى، وبلىس ورتا­لىق­تارىن ارالاپ، جالاڭ سوزبەن، بوس ۋادەمەن كەۋدەلەرىن سوعىپ، كۇنى بۇرىن مەن پرەزيدەنتتىككە وتەمىن دەپ، باي­بالام سالىپ جۇرگەندەر دە بار. ولاردىڭ كوپشىلىگى جەكە باسى­نىڭ سويىلىن سوعىپ، جەمە-جەمگە كەلگەندە جالعان بەلسەندى بولىپ شىعا كەلەدى. ارينە، حالىقتىڭ اق پەن قارانىڭ جىگىن ءدال اجىراتا بىلەتىنىنە سەنىم مول، – دەدى اتى­راۋ وبلىستىق ارداگەرلەر كەڭە­سىنىڭ توراعاسى مۇرات وتەشوۆ.

ال الماتى قالالىق ارداگەرلەر كەڭەسىنىڭ توراعاسى اقان بي­جانوۆ مەملەكەت باس­شى­سى­نىڭ قازاقستان حال­ق­ىنا جولداۋىن­داعى «ازامات – بيزنەس – مەملەكەت» ۇش­تىگىن قايتا قۇرۋ ماسەلەسىنە توق­تالدى. «بۇل ۇشتىك بايلانىستا مۇمكىندىكتەر تەڭدىگى مەن بارلىعىنا ادىلدىك ورناتۋ مىندەتى تۇر. سونىمەن قاتار بۇل جولداۋ ازاماتتاردىڭ ءومىر ءسۇرۋ دەڭ­گەيىن ارتتىرۋعا باعىت­تالعانىن اتاپ وتكىم كەلەدى. زەينەت­اقىنىڭ ەڭ تومەنگى بازا­لىق مولشەرىن كۇنكورىس دەڭگەيى­نەن 70 پايىزعا دەيىن، ال ەڭ جوعارعى مولشەرىن 120 پايىزعا دەيىن بىرتىندەپ ۇلعايتۋ، سونداي-اق پرەزيدەنتتىڭ «ۇلتتىق قور – بالالارعا» جاڭا باعدارلاماسىن دايىنداۋ جانە ىسكە اسىرۋ تۋرالى باستاماسى ۇلكەن الەۋ­مەتتىك-ەكونوميكالىق ماڭىزعا يە. جولداۋ ەلدىڭ سايا­سي جۇيەسىن تولىق وزگەرتەدى. قوعامدىق يگىلىكتەردىڭ جوعارى دەڭ­گەيىنە جانە حالىقتىڭ الەۋ­مەتتىك وسال توپتارىنا، سونىڭ ىشىندە زەينەتكەرلەرگە قولداۋ كورسەتۋگە كەپىل­دىك بەرىلدى. جولداۋ ەكونوميكا­لىق پەرسپەكتيۆالاردى تەك نىعاي­تۋ عانا ەمەس، ولاردى كەڭەيتۋ­دە الەۋمەتتىك ينستيتۋتتاردى دامىتۋعا شاقىرادى. سونداي-اق مەملەكەت باسشىسىنىڭ وسى جىلى پرەزيدەنتتىڭ كەزەكتەن تىس سايلاۋىن وتكىزۋ، پرەزيدەنت مانداتىن ءبىر رەتتىك جانە 7 جىلمەن شەكتەۋ تۋرالى ۇسىنىستارىن ەرەكشە اتاپ وتكىم كەلەدى. بۇل ۇسىنىس پرەزيدەنتتىڭ دەموكراتيا قاعيداتتارىن ۇستانۋىنىڭ، قازاقستاننىڭ تۇراقتىلىعى مەن ورنىقتى دامۋىن قامتاماسىز ەتۋدىڭ كورنەكتى ۇلگىسى بولىپ تابىلادى»، دەدى اقان بيجانوۆ.

ارداگەرلەردىڭ كەزەكتەن تىس سەزىنە 100-گە جۋىق دەلەگات قا­تىس­تى. ولاردىڭ بارلىعى الدا­عى پرەزيدەنت سايلاۋىنا ۇمىتكەر رەتىندە ءبىر­اۋىز­دان قاسىم-جومارت توقاەۆ­تىڭ كانديداتۋراسىن قولدادى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار