ەگەمەن قازاقستان • 05 قازان، 2022

وقىرماننىڭ رۋحاني ولجاسى

38 رەت كورسەتىلدى

كەشە استاناداعى «قازپوشتا» اكتسيونەرلىك قوعا­مى ءداستۇرلى «باسپاسوزگە جازىلۋشىلار كۇنىن» ۇيىم­داس­تىرىپ، ۇمىتتەرىن ۇكىلەگەن ءۇش تاراپتىڭ باسىن قوستى. اتاپ ايتقاندا، قازپوشتالىقتار مەن گازەت-جۋرنال وكىلدەرى ءھام جازىلۋشى وقىرمان اراسىندا قويان-قولتىق قارىم-قاتىناس ورنادى.

سۋرەتتى تۇسىرگەن يگور بۋرگاندينوۆ

«جىلقى كىسىنەسكەنشە، كىسى سوي­لەسكەنشە» دەگەندەي، جازارمان مەن وقىرماندى دانەكەرلەۋشى قاز­پوش­تا­لىق­تار ەكى ورتاداعى التىن كو­پىر ءرولىن اتقاردى. جا­زى­لۋشى جۇرتپەن كەزدەسۋگە كەل­گەن رەسپۋبليكالىق با­سى­لىمداردىڭ جەتەكشىلەرى وزەك­جاردى ويلارىن ورتاعا سال­دى. اۋەلگى قۇت­تىقتاۋ ءسوزدى «قاز­پوشتانىڭ» استانا في­ليا­­لى ديرەكتورىنىڭ ورىنباسارى اسەل سىزدىقوۆا سويلەدى.

مەرەكەلىك ءىس-شاراعا كوپ­تەگەن رەس­پۋبليكالىق گا­زەت-جۋرنال وكىلدەرى قا­تى­سىپ، جا­زىلۋشىلارعا تار­تۋ-تا­رال­عىلارىن ۇسىندى. رەس­­­پۋب­ليكالىق «Egemen Qazaqstan» گازەتى دە جازدىرىپ الۋشى­لا­رىن قۇتتىقتاپ، سىي-سيا­پات­تارىن ۇسىندى. بەلسەندى وقىر­ماندارىنا «Egemen Qazaqstan» كىتاپحاناسى» سە­ريا­سىمەن شىققان كىتاپ­تارىن سىيلادى.

مەرەكەلىك شاراعا «كازاح­ستانسكايا پراۆدا»، «ايقىن»، «تۇركىستان»، «اس­تانا اق­شا­مى» رەسپۋبليكالىق گا­زەت­­تەرىمەن بىرگە قالالىق «جا­­ڭا باستاۋ» باسىلىمى، «ما­دەني مۇرا»، National Geografic، تاعى باسقا جۋرنال­دار قاتىس­تى.

«بۇگىنگى ورتاق مەرەكە قۇت­­تى بولسىن. باسپاسوزگە جا­­زىلۋ ناۋقانى باستالدى. الامانعا ات قوسقان ءار ادام­­نىڭ ويىندا ءبىر-اق نار­سە تۇرادى. ول – بايگەلى بو­لۋ. سوندىقتان وسىناۋ رۋحاني مارافوندا ءبارىمىزدىڭ دە ايىمىز وڭىنان تۋىپ، اسى­عىمىز ال­شىسىنان ءتۇسسىن. جا­زارلارىڭىز كو­بەيىپ، ونى وقيتىن كوزى قا­راقتى وقىر­مانىمىز ودان دا كوپ بولسىن. ءبىزدىڭ گازەتىمىزدى تاراتىپ، اپاراتىن جەرىنە ۋا­قىتىندا جەتكىزىپ جۇرگەن «قاز­پوشتا» قىزمەتكەرلەرىنە باسشىلىقتىڭ سىي-سياپاتى بار ەدى»، دەپ ءسوز ۇشتاعان «Egemen Qazaqstan» گازەتى باس رەداكتورىنىڭ ورىن­با­سارى تالعات باتىرحان اتال­عان مەكەمەنىڭ بىرنەشە قىز­مەت­كەرىنە العىسحات پەن سىي­لىقتار تابىستادى.

بۇدان كەيىن دە بىرنەشە گازەت وكىل­دەرى ءسوز الىپ، ءوز ونىم­دەرىن تاراتۋشىلار مەن جازىلۋشى جۇرتپەن پىكىر ءبو­لىستى. قازپوشتالىقتار مەن جا­­زىلۋشىلارىنا العىستارىن ءبىلدىرىپ، ارنايى سىيلىقتارىن ۇسىندى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار