قوعام • 05 قازان، 2022

قاتتى وتىنعا بايلانىستى الەۋمەتتىك كومەك كىمدەرگە تولەنەدى

45 رەت كورسەتىلدى

ەلوردا اكىمىنىڭ ورىنباسارى ەرلان بەكمۇرزاەۆ ءوزىنىڭ Facebook پاراقشاسىندا قاتتى وتىن ساتىپ الۋعا الەۋمەتتىك كومەك كىمگە جانە قالاي تولەنەتىنىن ايتتى، دەپ حابارلايدى Egemen.kz.

«استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىمەن قاتتى وتىندى ساتىپ الۋعا الەۋمەتتىك كومەك 4 ەڭ تومەن كۇنكورىس دەڭگەيىنەن اسپايتىن جان باسىنا شاققانداعى تابىسى بولعان جاعدايدا (190 088 تگ) باسقا تۇرعىن ءۇيى جوق، جەرگiلiكتi (پەشتىك) جىلىتاتىن جەكە تۇرعىن ۇيدە تۇراتىن، ونىڭ جەكە مەنشىك يەسى (جالعا الۋشىسى) نەمەسە جەكە مەنشىك يەسىنىڭ وتباسى مۇشەلەرى (جالعا الۋشىسى) بولىپ تابىلاتىن جاسى بويىنشا زەينەتكەرلەرگە، مۇگەدەكتىگى بار تۇلعالارعا، مۇگەدەك بالالارعا جانە كوپ بالالى وتباسىلارعا جۇرگiزiلەدi»، دەلىنگەن حابارلامادا.

وتەماقى جىلىتۋ ماۋسىمىنا 16 ايلىق ەسەپتىك كورسەتكىش مولشەرىندە جۇرگىزىلەدى (50 880 تگ).

تولىعىراق اقپارات الۋ ءۇشىن استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنا كەلەسى نومىرلەر بويىنشا حابارلاسۋعا بولادى:

الماتى اۋدانى - 55-01-74;

سارىارقا اۋدانى  -55-14-87;

بايقوڭىر اۋدانى - 55-72-32;

ەسىل اۋدانى - 55-74-50.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار