پرەزيدەنت • 05 قازان، 2022

پرەزيدەنت كوممۋنالدىق تاريف ساياساتى جونىندە پىكىر ءبىلدىردى

43 رەت كورسەتىلدى

كوممۋنالدىق تاريفتەردى ۇستاپ تۇرۋ قاجەتتىلىگى مەن ينفراقۇرىلىمعا ينۆەستيتسيالاۋ قاجەتتىلىگى اراسىنداعى تەپە-تەڭدىكتى تابۋ كەرەك. بۇل تۋرالى مەملەكەت باسشىسى قاسىم-جومارت توقاەۆ پاۆلودار وبلىسىنىڭ جۇرتىشىلىعىمەن كەزدەسۋىندە ايتتى، دەپ حابارلايدى Egemen.kz.

«كوممۋنالدىق جەلىلەردىڭ جاي-كۇيى - بۇل جىلدار بويى جەتىلىپ كەلگەن دۇرىس ەمەس تاريفتىك ساياساتتىڭ سالدارىن كورگەن جۇيەلىك پروبلەما. جالپى، تاريفتەردى ۇستاپ تۇرۋ قاجەتتىلىگى مەن ينفراقۇرىلىمعا ينۆەستيتسيالاۋ قاجەتتىلىگى اراسىنداعى تەپە-تەڭدىكتى تابۋ كەرەك. بۇل نەگىزگى قاعيدا»، دەدى مەملەكەت باسشىسى.

قاسىم-جومارت توقاەۆ الداعى جىلىتۋ ماۋسىمى شتاتتىق رەجيمدە ءوتۋى كەرەگىن ايتتى.

«ينۆەستيتسيالىق تولەمدەر تەك وسى ماقساتتارعا جۇمسالعانى ءجون جانە مەنشىك يەلەرى ءۇشىن نەگىزسىز پايدا كوزىنە اينالماۋى كەرەك. جولداۋدا مەن مونوپوليالىق نارىقتارداعى «ينۆەستيتسيا ورنىنا تاريف» جاڭا تاريفتىك ساياساتىنا كوشۋدى تاپسىردىم. مەن ۇكىمەتتەن وسى باعىتتا ناقتى ناتيجەلەر كۇتەمىن. الداعى جىلىتۋ ماۋسىمىنىڭ شتاتتىق رەجيمدە ءوتۋى باستى ماسەلە – بۇل بارلىق وڭىرلەر اكىمدەرىنىڭ تىكەلەي جاۋاپكەرشىلىگى»، دەپ تۇيىندەدى پرەزيدەنت.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار