پرەزيدەنت • 05 قازان، 2022

«پاۆلودار – استانا» اۋە قاتىناسى قالپىنا كەلتىرىلەدى

38 رەت كورسەتىلدى

بۇل تۋرالى مەملەكەت باسشىسى پاۆلودار وبلىسىنىڭ جۇرتشىلىعىمەن كەزدەسۋىندە ايتتى، دەپ حابارلايدى Egemen.kz.

«پاۆلوداردىڭ وراسان زور ترانزيتتىك الەۋەتى بار. بىراق ەرتىستەن وتەتىن ەسكى كوپىر كولىك-لوگيستيكا سالاسىن دامىتۋعا مۇمكىندىك بەرمەي وتىر. ونىڭ اپاتتى جاعدايدا تۇرعانىنا ءبىراز جىل بولدى. كوپىر ارقىلى جۇك كولىكتەرىنىڭ جۇرۋىنە تىيىم سالىنعان. بۇعان دەيىن وبلىس ورتالىعىن اينالىپ وتۋگە جول اشاتىن جاڭا كوپىر سالۋ جوسپارلانعان. ۇكىمەتكە كەلەسى جىلى وسى جوبانى باستاۋدى تاپسىرامىن. جولدى كۇتىپ ۇستاۋعا باسا نازار اۋدارۋ قاجەت»، دەدى مەملەكەت باسشىسى.

پرەزيدەنتتىڭ ايتۋىنشا، پاۆلودار وبلىسىنىڭ ەكونوميكاسىن دامىتۋعا وزگە وڭىرلەرمەن اۋە قاتىناسىن ورناتۋ ايرىقشا ىقپال ەتەدى.

«قازىر وبلىس ورتالىعىنان استانانىڭ وزىنە تىكەلەي ۇشاق ۇشپايدى. ۇكىمەت جىل سوڭىنا دەيىن «پاۆلودار – استانا» باعىتىنداعى تۇراقتى اۋە قاتىناسىن قالپىنا كەلتىرۋى كەرەك. سونداي-اق جەرگىلىكتى اۋەجايدىڭ ۇشۋ-قونۋ جولاعىن جوندەۋ ماسەلەسىن پىسىقتاعان ءجون»، دەدى ول.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار