– مەملەكەت باسشىسىنىڭ جولداۋىندا وتاندىق تەمىرجول ماشيناسىن جاساۋدى دامىتۋ قاجەتتىلىگى اتاپ ءوتىلدى. بۇل ارالاس سالالاردى: مەتاللۋرگيانى, ءوندىرۋشى ونەركاسىپتى دامىتۋعا جانە ەڭ باستىسى, تەمىرجول تاسىمالىن تۇراقتى قامتاماسىز ەتۋگە مۋلتيپليكاتيۆتى اسەر بەرەدى, – دەپ اتاپ ءوتتى «قازاقستان تەمىر جولى» ۇك» اق باس ينجەنەرى باتىر كوتىرەۆ.
ەلىمىزدىڭ ۆاگون جاساۋ كەشەنىن دامىتۋ مىندەتتەرىن تالقىلاۋ ءۇشىن سپيكەرلەر رەتىندە سالانىڭ نەگىزگى وكىلدەرى شاقىرىلدى. مودەلدىك قاتاردى كەڭەيتۋ جانە وندىرىستىك الاڭداردى قايتا جاراقتاندىرۋ ءۇشىن جۇك ۆاگوندارى پاركىنىڭ يەلەرىن دە, وندىرۋشىلەردى دە شوعىرلاندىرۋدى تالاپ ەتەتىن نەگىزگى پاركتى جاڭارتۋدىڭ ۇزاق مەرزىمدى ستراتەگياسى اتاپ ءوتىلدى.
سەكتسيالىق وتىرىستا اعىمداعى جاعدايدى, دامۋ جوسپارلارى مەن پەرسپەكتيۆالارىن اشىپ كورسەتەتىن باياندامالار تىڭدالدى. وندىرۋشىلەر تەحنيكالىق پارامەترلەرى جاقسارتىلعان جۇك ۆاگوندارىنىڭ جاڭا مودەلدەرىن ءوندىرۋدى يگەرۋ پايىمدارىمەن, جۇك ۆاگوندارى مەن تەجەگىش جابدىقتارعا ارنالعان قۇزىرەتتىلىك ورتالىقتارىن قۇرۋ نيەتتەرىمەن ءبولىستى.
قاتىسۋشىلاردىڭ پىكىرىنە دەن قويساق, وتىرىس سالا وكىلدەرى ءۇشىن ءتيىمدى ديالوگ الاڭىنا اينالدى. ءىس-شارا قورىتىندىسى بويىنشا سالانى دامىتۋدا پارمەندى شارالار ازىرلەۋ, سونداي-اق ليزينگتىك كومپانيالارمەن, ۆاگون وندىرۋشىلەرمەن جانە وپەراتورلارمەن جۇك ۆاگوندارى پاركىن جاڭارتۋ بويىنشا قارجى قۇرالدارىن ازىرلەۋ تۋرالى دوڭگەلەك ۇستەل ۇيىمداستىرۋ ماقساتىندا ۆاگون جاساۋدىڭ 2030 جىلعا دەيىنگى مەملەكەتتىك باعدارلاماسىن ازىرلەۋ قاجەتتىگى تۋرالى ۇسىنىمدار بەرىلدى.
سەكتسيالىق وتىرىس قورىتىندىسى بويىنشا بىرلەسكەن قۇجاتتارعا, ىنتىماقتاستىق تۋرالى مەموراندۋمدارعا قول قويىلدى.
سونىمەن قاتار شارا بارىسىندا سالا قىزمەتكەرلەرىن «قۇرمەتتى ماشينا جاساۋشى» بەلگىلەرىمەن جانە «قازاقستان تەمىر جولى» ۇك» اق-نىڭ 25 جىلدىعىنا ارنالعان مەرەيتويلىق مەدالدارمەن ماراپاتتاۋ ءراسىمى ءوتتى.
