ايماقتار • 04 قازان، 2022

بۇل – جوسپارلى جوندەۋ

155 رەت كورسەتىلدى

بيىلعى 1 قازاندا اتىراۋ مۇناي وڭدەۋ زاۋىتىندا تەحنولوگيالىق قوندىرعىلاردى جوسپارلى جوندەۋ باستالدى. زاۋىتتى تۇراقتى جۇمىس رەجىمىنە شىعارۋدى كەزەڭ-كەزەڭىمەن قاراشانىڭ ەكىنشى ونكۇندىگىنە دەيىن جۇزەگە اسىرۋ جوسپارلانىپ وتىر.

«اتىراۋ ءموز» جشس-نىڭ قوعاممەن بايلانىس ءبولىمى ءمالىم ەتكەندەي، تەحنولوگيالىق قون­دىرعىلاردى جوسپارلى جوندەۋ ەنەرگەتيكا مينيسترلىگى بەكىتكەن كەستەگە سايكەس جۇرگىزىلەدى.

«تەحنولوگيالىق نىسانداردى جوندەۋ كەزەڭ-كەزەڭىمەن جۇزە­گە اسىرىلادى. ءاموز-دەگى قۇرىل­عى­لار مۇنايدى ەكى كەزەڭدىك جۇيە بو­يىنشا وڭدەيدى. ياعني بىرى­نەن كەيىن ءبىرى توقتاتىلىپ، ىسكە قوسىلادى. سوندىقتان نىساندار جۇمىسىن تولىق توقتاتپايدى. جوندەۋ كەزىندە زاۋىت 50-70 پايىز­عا تەڭ قۋاتپەن ماقساتتى ءونىم شى­عارۋدى، ونى جونەلتۋدى جالعاس­تىرادى»، دەپ حابارلادى قوعاممەن بايلانىس ءبولىمى.

زاۋىت ماماندارىنىڭ تۇسىندى­رۋىنشە، بيىلعى قازان مەن قارا­شا ايلارىندا 692 مىڭ توننا مۇناي وڭدەۋ جوسپارلانىپتى. دە­مەك مۇناي وڭدەۋدىڭ ورتاشا تاۋ­لىكتىك كورسەتكىشى 11 347 توننانى قۇ­رايدى. بۇل – زاۋىتتىڭ جوبا­لىق قۋات­تىلىعىنىڭ 68 پايىزى. ال مۇناي ونىمدەرىن شىعا­رۋ توقتا­تىلمايدى. ماسەلەن، تاۋلى­گىنە ورتاشا 2 400 توننا اۆتوبەنزين، 2 600 توننا ديزەلدى وتىن، 240 توننا رەاكتيۆتى وتىن جانە 170 توننا سۇيىتىلعان گازدى شىعارۋ كوزدەلگەن. 

«اتىراۋ مۇناي وڭدەۋ زاۋى­تىنداعى جوسپارلى جوندەۋ جۇمىستارى ونەركاسىپتىك قاۋىپسىزدىك سالاسىنداعى «ازاماتتىق قورعاۋ تۋرالى» زاڭ تالاپتارىنا ساي­كەس تەحنولوگيالىق، ەلەكتركۇشتى، كومپرەسسورلىق جانە ديناميكالىق جابدىقتاردى قاۋىپسىز ءارى سەنىمدى پايدالانۋدى قامتاماسىز ەتۋ ءۇشىن قوندىرعىلاردىڭ جوبالىق كورسەت­كىشتەرىنە قول جەتكىزۋ، ەكو­لوگيالىق پارامەترلەردى جاق­سارتۋ، اۆتوماتتاندىرۋ قۇرالدارىن قايتا قاراۋ ماق­ساتىندا جاسالادى. جوسپارلى جوندەۋ كەزىندە قوندىرعىلاردا كاتاليزاتورلاردى اۋىستىرۋ، ىشكى ينسپەكتسيا، رەاكتورلىق، ىدىستىق، كولوننالىق، جىلۋ الماسۋ جابدىعى مەن قۇ­بىر جولدارىن تەكسەرۋ جانە كۋا­لاندىرۋ جۇرگىزىلەدى»، دەپ ءمالىم ەتتى زاۋىتتىڭ قوعاممەن بايلانىس ءبولىمى.

 

اتىراۋ وبلىسى

سوڭعى جاڭالىقتار

ەلىمىزدە 175 ادام كوروناۆيرۋس جۇقتىردى

كوروناۆيرۋس • بۇگىن، 09:06

«ايبوز» دارابوزدارى انىقتالدى

ادەبيەت • بۇگىن، 08:55

پرەزيدەنت قۇتتىقتاۋى

پرەزيدەنت • بۇگىن، 08:50

ەلدىك نيەت

ايماقتار • بۇگىن، 08:48

كەزەكتە – جەر ۇيلەر

ايماقتار • بۇگىن، 08:46

زاڭ جوباسى قارالدى

ساياسات • بۇگىن، 08:42

ءتيىمدى ىنتىماقتاستىق

ساياسات • بۇگىن، 08:38

جەڭىستىڭ باستاۋى – حالىق

قوعام • بۇگىن، 08:27

اسىل تۇقىمنىڭ پايداسى

ايماقتار • بۇگىن، 08:24

بەرەكەلى اقباس سيىر

ەكونوميكا • بۇگىن، 08:20

اۆتوجولدىڭ سان الۋان ماسەلەسى

ەكونوميكا • بۇگىن، 08:18

ىشكى جالپى ءونىم 4 پايىزعا وسەدى

ەكونوميكا • بۇگىن، 08:14

ينفلياتسيانىڭ كەزەكتى تولقىنى

ەكونوميكا • بۇگىن، 08:10

اۋرۋدىڭ الدىن الايىق!

مەديتسينا • بۇگىن، 08:08

ءبىلىم كوكجيەگىن كەڭەيتكەن

عىلىم • بۇگىن، 08:06

ساپاسىز ويىنشىقتىڭ زالالى

ايماقتار • بۇگىن، 08:04

ۇقساس جاڭالىقتار