قازاقستاندا جالعا بەرىلەتىن تۇرعىن ۇيلەر قىمباتتادى

ماسەلەن, قىركۇيەكتە تۇرعىن ءۇيدىڭ ءبىر شارشى مەترىن جالداۋ اقىسىنىڭ ورتاشا باعاسى 4 612 تەڭگەنى قۇرادى, تامىزدا بۇل باعا 4 029 تەڭگەگە تەڭ بولعان.

بۇل رەتتە تۇرعىن ءۇيدى جالعا الۋدىڭ ەڭ جوعارى باعاسى الماتىدا تىركەلگەن - 5 611 تەڭگە/م2.

سونداي-اق استانا جانە اقتاۋ قالالارىندا جوعارى باعالار بايقالادى: تيىسىنشە 4 485 تگ/م2 جانە 3 253 تگ/م2.

جالعا بەرىلەتىن تۇرعىن ءۇيدىڭ ەڭ تومەن باعاسى قىزىلوردا – 1 797 تگ/م2, تاراز – 1 809 تت/م2 جانە جەزقازعان – 1 845 تگ/م2 قالالارىندا تىركەلگەن.

ستاتيستيكا حابارلاعانداي, ءبىر ايدا قوستانايدا اباتتاندىرىلعان تۇرعىن ءۇيدى جالعا الۋ بىردەن 42,6%-عا قىمباتتادى. پەتروپاۆلدا دا تۇرعىن ءۇيدى جالعا الۋ باعاسى 27%-عا ءوستى. كوشباسشىلار ۇشتىگىنە قاراعاندى قالاسى دا كىردى, وندا ءبىر ايدا تۇرعىن ءۇيدى جالعا الۋ باعاسى بىردەن 21%-عا ءوستى.

سونىمەن قاتار تۇركىستاندا – 0,6%-عا, تالدىقورعاندا – 3,5%-عا, شىمكەنتتە - 3,9%-عا جانە قىزىلوردادا - 4,3%-عا جالعا بەرىلەتىن تۇرعىن ءۇي باعاسىنىڭ شامالى وزگەرىستەرى بايقالدى.

بۇعان دەيىن قىركۇيەك ايىندا جىلدىق ينفلياتسيا 17,7%-دى قۇراعانى حابارلانعان ەدى, تۇتىنۋ باعالارى يندەكسىنىڭ قۇرىلىمىندا ءبىر جىل ىشىندە اقىلى قىزمەتتەر 12,3%-عا قىمباتتادى.