ورتالىق كلينيكالىق اۋرۋحاناداعى كۇردەلى وتانى بەلگىلى نەيروحيرۋرگ, مەديتسينا عىلىمدارىنىڭ كانديداتى شىڭعىس شاشكين باستاعان بىلىكتى ءۇش دارىگەر جاسايدى. ش.شاشكين مي مەن ج ۇلىنعا نەيروستيمۋلياتور يمپلانتاتسيالاۋعا ماماندانعان ەلىمىزدەگى العاشقى نەيروحيرۋرگ.
– الماتىدا تەگىن كۆوتا بويىنشا وپەراتسيا جاسالعان العاشقى ادامنىڭ جاسى جەتپىستە. ول 8 جىل بۇرىن اۋرۋدىڭ اسقىنعان تۇرىنە شالدىققان. قازاقستان بويىنشا مۇنداي اۋرۋمەن ناۋقاستانعاندار سانى 30 مىڭعا جۋىقتايدى, كوبىسى ەگدە تارتقان ادامدار. دەگەنمەن, مەن ءوز تاجىريبەمدە 25 جاستاعى ناۋقاستى دا كوردىم, – دەيدى ول.
بىلىكتى حيرۋرگ وپەراتسيانىڭ قالاي جاسالاتىنىنا دا جالپىلاما توقتالىپ ءوتتى. ول ءۇشىن ناۋقاستىڭ ميىنا جىڭىشكە ەلەكترود ەنگىزىلىپ, بۇعانا سۇيەگىنىڭ تومەنگى تۇسىندا تەرىنىڭ استىنا ورناتىلعان نەيروستيمۋلياتورعا قوسىلادى. ارينە, ناۋقاس وپەراتسيادان كەيىن قۇلانتازا ايىعىپ كەتپەيدى, بىراق بۇلشىقەتى ىستەمەي قالعان جانداردىڭ ءومىرى ايتارلىقتاي جاقساراتىن كورىنەدى.
ايتا كەتەيىك, دۇنيە ءجۇزى بويىنشا ەڭ العاش بيوستيمۋلياتور سالۋ وپەراتسياسى 1987 جىلى جاسالىپتى. قازىر نەيروستيمۋلياتسيا ءتاسىلى اقش-تا, ەۋروپا مەن ازيانىڭ بىرقاتار ەلدەرىندە قولدانىلىپ ءجۇر. ول قازاقستاندا تۇڭعىش رەت 2013 جىلى تاجىريبەدەن ءوتتى. سودان بەرى كۇردەلى وپەراتسيا استانا مەن قاراعاندى قالالارىندا جاسالىپ كەلگەن.
