باعدات مۋسين بۇل سالا بويىنشا ءوزى باسقاراتىن مينيسترلىك تەك زاڭ مەن ستاندارتتار جازاتىنىن, ال كيبەرشابۋىل مەن قورعانىسقا ارنالعان ۇلتتىق قاۋىپسىزدىك كوميتەتىنىڭ ارنايى مەملەكەتتىك ۇيىمى بار ەكەنىن جەتكىزدى.
«ول – مەملەكەتتىك تەحنيكالىق قىزمەت. ءبىز جالپى زاڭ تالاپتارىن جانە باسقا دا تالاپتاردى بەكىتەمىز, ولار سول بويىنشا جۇمىس ىستەيدى. قازىر ەلدەگى ينتەرنەت جۇيەلەرىنە اۋىرتپاشىلىق ءتۇستى, ونىڭ جىلدامدىعى باياۋلادى. مەملەكەتتىك تەحنيكالىق قىزمەت ءارى قاراي جۇمىستارىن جالعاستىرۋدا», دەدى مينيستر.
سونداي-اق مۋسين اقپاراتتىق قاۋىپسىزدىك – كۇردەلى ماسەلەلەردىڭ بىرىنە اينالعانىن اتاپ ءوتتى.
«دۇنيەجۇزىندە ءتۇرلى مەملەكەتتىك ۇيىمدار كۇن سايىن كيبەرشابۋىلدارعا تويتارىس بەرەدى. جاڭا ينتەرنەت ءداۋىرى كەلدى. ينتەرنەت ەكونوميكاعا جاڭا تاسىلدەر, جاڭا مۇمكىندىكتەر بەرەدى, سونىمەن قاتار قاۋىپسىزدىك جاعىنان دا جەتىلدىرۋدى قاجەت ەتەدى», دەدى ول.
ەسكە سالايىق, كەيىنگى كۇندەرى مەملەكەتتىك ورگانداردىڭ ينتەرنەت رەسۋرستارىنا تولاسسىز كيبەرشابۋىل جاسالىپ جاتىر.
