انيماتسيالىق تۋىندى كيەلى تايقازاندى قايتارىپ الۋ ءۇشىن جولعا اتتانىپ, ز ۇلىم جاۋمەن شايقاستا قايسار باتىرلىق كورسەتكەن جاس باتىر تۋرالى باياندايدى.
- 2007 جىلى مەن «التىن جەبە» انيماتسيالىق فيلمدەر فەستيۆالىنە قاتىستىم, ول كەزدە ت.جۇرگەنوۆ اتىنداعى قازۇوا ءۇشىنشى كۋرس ستۋدەنتى ەدىم. فەستيۆال شەڭبەرىندە بارلىق قوناقتاردى تۇركىستاندى ارالاتىپ, قوجا احمەتياسساۋيدىڭ كەسەنەسىنە الىپ باردى. سول كەزدە كيەلى تايقازاندى العاش كورىپ, ۇلكەن اسەر الدىم. وسىدان شامامەن ەكى جىل بۇرىن تايقازان تۋرالى مۋلتفيلم ءتۇسىرۋدى ويلاپ, بارلىق دەرەكتەرمەن تانىسىپ شىقتىم. كەيىن ستسەناري جازىپ, وسى جازدا ۇلتتىق كينونى قولداۋ مەملەكەتتىك ورتالىعىنىڭ ستسەناريلەر بايقاۋىنا قاتىستىم, - دەيدى انيماتور قۋانىش ناعىز.
ايتا كەتسەك, قۋانىش ناعىز «تايكازان حيكاياسى» ءمۋلتفيلمىنىڭ ستسەناري اۆتورى مەن قويۋشى سۋرەتشىسى. بۇل جاس رەجيسسەردىڭ العاشقى جۇمىسى ەمەس. ول ءار جىلدارى «قازاقفيلم» كينوستۋدياسىندا ء«ۇش سىيلىق» جانە «مەنىڭ اتىم قوزى» سىندى باسقا دا انيماتسيالىق تۋىندىلاردى تۇسىرگەن.
رەجيسسەردىڭ ايتۋىنشا, «تايكازان حيكاياسى» كومەديامەن ارالاس تۇسىرىلەتىن شىتىرمان وقيعالى مۋلتفيلم. سونىمەن قاتار ول دايىندىق كەزەڭى بارىسىندا ۇلكەن جۇمىستار اتقارىلعانىن, ءفيلمنىڭ نەگىزگى پەرسوناجدارى سالىنعانىن, سونداي-اق جوبانىڭ سىزبا نۇسقاسى تۇسىرىلگەنىن حابارلادى. بۇگىندە جاس مۋلتيپليكاتور نەگىزگى لوكاتسيالاردى سالىپ, كەيبىر ساحنالاردى قوزعالىسپەن كوركەمدەپ جاتىر.
اتالعان ءمۋلتفيلمنىڭ ءتۇسىرۋ جۇمىستارى ۇستىمىزدەگى جىلى قاراشا ايىندا اياقتالادى.
