«اكىمشىلىك قۇقىقبۇزۋشىلىق تۋرالى كودەكستىڭ بىرقاتار باپتارىمەن سوتتىڭ شەشىمى بولعان جاعدايدا مەنشىكتەن ايىرۋ مۇمكىندىگى كوزدەلگەن. قازاقستان رەسپۋبليكاسىنىڭ كونستيتۋتسياسىنا سايكەس ەشكىم ءوز مۇلكىنەن ايىرىلۋى مۇمكىن ەمەس, تەك سوت شەشىمى بويىنشا. قازىرگى تاڭدا زاڭسىز تاكسي رەتىندە جۇمىس ىستەگەنى ءۇشىن كولىك قۇرالدارىن كونفيسكاتسيالانعانى تۋرالى بىردە-ءبىر دەرەك جوق», دەپ جازىلعان كوميتەت تاراتقان اقپاراتتا.
سونىمەن قاتار مەملەكەتتىك كىرىستەر كوميتەتى تاكسي قىزمەتىن جەكە كاسىپكەر رەتىندە تىركەۋسىز جۇزەگە اسىرعانى ءۇشىن ون بەس اەك مولشەرىندە اكىمشىلىك ايىپپۇل قاراستىرىلعانىن ەسكەرتەدى.
«جەكە كاسىپكەرلىكتى ەلەكتروندى ۇكىمەت پورتالى ارقىلى (ە-ليتسەنزيروۆانيە) نەمەسە «E-Salyq Business» ءموبيلدى قوسىمشاسى, Kaspi جانە Halyk بانكتەرىنىڭ ءموبيلدى قوسىمشالارى ارقىلى تىركەۋگە بولادى», دەپ جازىلعان حابارلامادا.
