مەديتسينا • 03 قازان، 2022

شەتەلدىك دارىگەر ەلوردادا ماستەر-كلاسس وتكىزدى

43 رەت كورسەتىلدى

ەلوردادا وتولارينگولوگيا سالاسىندا تاجىريبە الماسۋ بويىنشا ماستەر-كلاسس وتكىزىلدى. ءىس-شاراعا بەلگىلى پروفەسسور، وتولارينگولوگيا ۇلتتىق مەديتسينالىق زەرتتەۋ ورتالىعى ديرەكتورىنىڭ حالىقارالىق قىزمەت جونىندەگى ورىنباسارى حاسسان دياب ماسكەۋدەن ارنايى شاقىرىلدى. پروفەسسور كوحلەارلىق يمپلانتاتسيا بويىنشا كۇردەلى وپەراتسيالارعا قاتىستى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.

حاسان دياب وتوحيرۋرگيامەن شامامەن 15 جىلدان بەرى اينالىسىپ كەلەدى.

«بۇگىن بىزدە 7 وپەراتسيا جوسپارلانعان، بۇل كوحلەارلىق يمپلانتاتسيانىڭ ەرەكشە، كۇردەلى جاعدايلارى. سوندىقتان وسى شەبەرلىك سىنىبى ۇيىمداستىرىلدى، وعان ZOOM جانە YouTube ارقىلى 60 دارىگەر قاتىستى. بەلگىلى ءبىر اناتوميالىق ەرەكشەلىكتەرى بار جانە وپەراتسيا كەزىندە قيىندىقتار تۋىنداۋى مۇمكىن پاتسيەنتتەرگە كوحلەارلىق يمپلانتاتسياعا باسا نازار اۋدارىلدى. تىڭداۋشىلار ءۇشىن كۇردەلى وتوحيرۋرگيا وپەراتسيالارىنىڭ بارلىق كەزەڭدەرى كورسەتىلەدى. بۇل - لورحيرۋرگياداعى ەڭ ماڭىزدى وپەراتسيالاردىڭ ءبىرى. ءبىز ەستۋ قابىلەتىن تولىعىمەن قالپىنا كەلتىرەمىز، ەستىمەيتىن بولىپ تۋعان نەمەسە ءومىر بويى ساڭىراۋ بولىپ قالعان بالالار قالىپتى الەۋمەتتىك ومىرگە ورالادى. ءبىز كوحلەارلىق يمپلانتپەن دە، باسقا قۇرىلعىلارمەن دە ەستۋ قابىلەتىن قايتارامىز. مىسالى، ەستۋ قابىلەتىنىڭ بۇزىلۋىنىڭ باسقا تۇرلەرىندە، اتاپ ايتقاندا ميكروتيا، اترەزيا جاعدايىندا ءبىز سۇيەك وتكىزگىش اپپاراتىن ورناتامىز. ول سۇيەك بولىگىنە يمپلانتاتسيالانادى جانە تۋا بىتكەن اۋىتقۋلارى بار بالالارعا جاقسى كومەكتەسەدى»، دەدى حاسان دياب. 

ە

ماماننىڭ ايتۋىنشا، كوحلەارلىق يمپلانت جانە سۇيەك وتكىزگىش اپپارات بالالارعا ەستۋ قابىلەتىن تولىعىمەن قالپىنا كەلتىرۋگە مۇمكىندىك بەرەدى. مۇنداي وپەراتسيالاردىڭ ءساتتى ءوتۋى حيرۋرگتىڭ جۇمىسىنا تىكەلەي بايلانىستى. 

ول وتولارينگولوگيانىڭ ۇلتتىق مەديتسينالىق زەرتتەۋ ورتالىعىندا الەمدەگى ەڭ ءىرى وتولارينگولوگيا ورتالىقتارى اراسىندا جىلىنا ەڭ كوپ - 500-گە جۋىق كوحلەارلىق يمپلانتاتسيا جاسالاتىنىن اتاپ ءوتتى.

«بۇل - ۇلكەن سان. بىزدە ءارتۇرلى پاتولوگيالارى بار ناۋقاستارمەن جۇمىس تاجىريبەسى بار، بۇل ىشكى قۇلاقتىڭ دامۋىندا اۋىتقۋلارى بار بالالار، مەنينگيتتەن كەيىن ەستۋ قابىلەتىنەن ايىرىلعان بالالار. ءبىزدىڭ بازادا قولدانىلاتىن بارلىق ادىستەردى تاراتۋعا، باسقا مەكەمەلەردەگى مامانداردى وسى وپەراتسيالاردى جۇزەگە اسىرۋعا جانە بالالارعا كومەك الۋعا ۇيرەتۋگە تىرىسامىز»، دەپ اتاپ ءوتتى دارىگەر.

كوحلەارلىق يمپلانتاتسيا وپەراتسيالارى جوعارى تەحنولوگيالىق مەديتسينالىق قىزمەتتەر (جتمۋ) ساناتىنا جاتادى. ونىڭ قۇنى - 6،6 ملن تەڭگە جانە ءمامس جۇيەسى ارقىلى وندىرىلەدى. 

سوڭعى جاڭالىقتار

كونستيتۋتسيالىق مارتەبە بەرىلدى

قازاقستان • بۇگىن، 01:05

بلوگەر جۋرناليست ەمەس!

قوعام • بۇگىن، 00:52

سوت جۇيەسىن جەتىلدىرۋ

ساياسات • بۇگىن، 00:06

ماقتاشىلاردىڭ مۇڭى

ەكونوميكا • كەشە

ۋاقىت تالابى

قوعام • كەشە

كۇرەسكەر گەينە

ادەبيەت • كەشە

اجالدى جەڭگەن اسپان

ادەبيەت • كەشە

اعاش كوشەتى ەگىلدى

ايماقتار • كەشە

ۇقساس جاڭالىقتار