«ساپار بارىسىنداعى وزەكتى ماسەلەلەردىڭ ءبىرى – قازاقستاندا V ويىنداردى وتكىزۋ جونىندەگى كەلىسسوزدەر بولاتىن. ناتيجەسىندە, تۇركيانىڭ جاستار جانە سپورت ءمينيسترى مەحمەت كاساپوگلۋ كەشە سالتاناتتى تۇردە اتالعان اۋقىمدى شارانىڭ ەستافەتاسىن ەلىمىزگە تابىس ەتتى. ياعني, رەسمي تۇردە قازاقستان – 2024 جىلعى 5-ءشى دۇنيەجۇزى كوشپەندىلەر ويىندارىن وتكىزۋشى مەملەكەت رەتىندە بەلگىلەندى», دەپ جازدى مينيستر.
ونىڭ ايتۋىنشا, بۇل – ايتارلىقتاي قۋانىش, ءارى اسا جاۋاپتى جۇمىس.
«مىڭجىلدىقتاردىڭ مۇراسىنا يە, كوشپەلى دالا سالتىن ۇلىقتاعان ەل رەتىندە بۇل ءدۇبىرلى دودانى جوعارى دەڭگەيدە وتكىزەمىز دەپ سەنەمىن. كەشە تۇركيا تورىندە ەل نامىسىن قورعاپ, ەرەكشە ناتيجە كورسەتكەن بارلىق جەڭىمپازدى تاعى دا شىن جۇرەكتەن قۇتتىقتايمىن! ات ۇستىندەگى الاش رۋحىنىڭ ايبىنى ارتا بەرسىن!», دەلىنگەن ماتىندە.
