قوعام • 03 قازان، 2022

الەۋمەتتىك كومىر ءموبيلدى قوسىمشا ارقىلى ساتىلادى

64 رەت كورسەتىلدى

يندۋستريا جانە ينفراقۇرىلىمدىق دامۋ مينيسترلىگى ەكىنشى دەڭگەيلى بانكتەرمەن بىرلەسىپ، الەۋمەتتىك كومىردى بىرقاتار قارجى جانە ساۋدا ۇيىمىنىڭ موبيلدىك قوسىمشالارى ارقىلى ساتۋدى ۇيىمداستىرۋ بويىنشا جۇمىس جۇرگىزىپ جاتىر، دەپ حابارلايدى Egemen.kz.

بۇگىن Halyk Bank-پەن بىرلەسىپ، پيلوتتىق رەجيمدە Halyk Market-تە «كاز ينتەر كومىر» جشس-ءنىڭ قاتتى وتىنىن ساتۋ ىسكە قوسىلدى. بۇل كاسىپورىن قوستاناي وبلىسىنىڭ 10 اۋدانىن كومىرمەن قامتىپ وتىرعان وڭىرلىك وپەراتور بولىپ سانالادى.

ءموبيلدى قوسىمشا ارقىلى ساتۋ نۇكتەسىن، كومىردىڭ قاجەتتى ماركاسىن جانە كولەمىن تاڭداۋ مۇمكىندىگى بار. سونىمەن بىرگە ونلاين تولەم جاساپ، تاۋاردى 3 ايدان 6 ايعا دەيىن ءبولىپ تولەۋگە دە بولادى.

اتالعان زاماناۋي شەشىم قاتتى وتىندى تىكەلەي جانە كەزەكسىز ساتىپ الۋعا، سونداي-اق حالىقتىڭ جىلىتۋ ماۋسىمىنا دايىندىعىن ايتارلىقتاي جەڭىلدەتۋگە مۇمكىندىك بەرەدى.

ءتيىستى جۇمىستار باسقا دا وڭىرلەردە جۇرگىزىلەدى. قازىرگى ۋاقىتتا اتالعان پلاتفورماعا الماتى قالاسىنداعى كومىر وپەراتورى دا قوسىلىپ جاتىر.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار