تاعايىنداۋ • 03 قازان، 2022

الماتى وبلىسى اكىمىنىڭ ورىنباسارى تاعايىندالدى

68 رەت كورسەتىلدى

راۋان راقىمبەكوۆ الماتى وبلىسى اكىمىنىڭ ورىنباسارى بولىپ تاعايىندالدى، دەپ حابارلايدى Egemen.kz.

«الماتى وبلىسى اكىمىنىڭ وكىمىمەن جانە قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن راۋان تۇردانعازى ۇلى راقىمبەكوۆ الماتى وبلىسى اكىمىنىڭ ورىنباسارى بولىپ تاعايىندالدى»، دەپ حابارلادى وبلىس اكىمدىگىنىڭ ءباسپاسوز قىزمەتى.

راۋان راقىمبەكوۆ 1980 جىلى دۇنيەگە كەلگەن. 2001 جىلى ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىن ەكولوگيا جانە تابيعاتتى پايدالانۋدى باسقارۋ ماماندىعى بويىنشا، 2008 جىلى وسى وقۋ ورنىندا قارجى ماماندىعىن يگەرگەن.

ەڭبەك جولىن 2002 جىلى «قاينار» ااق مونوبلوكتى قۇيۋ تسەحىندا قويماشى بولىپ باستادى. وسى جىلدار ىشىندە تالدىقورعان قالالىق تۇرعىن ءۇي-كوممۋنالدىق شارۋاشىلىق ءبولىمىنىڭ جەتەكشى مامانى، تالدىقورعان قالاسى اكىمىنىڭ كەڭەسشىسى، تالدىقورعان قالاسى وتەناي اۋىلدىق وكرۋگىنىڭ اكىمى، تەكەلى قالاسى اكىمىنىڭ ورىنباسارى، تالدىقورعان قالاسى اكىمىنىڭ ورىنباسارى بولدى.

2021 جىلدىڭ ساۋىرىنەن ​​قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك ينسپەكتورى قىزمەتىن اتقاردى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار