ءبىلىم • 03 قازان، 2022

قازاقستاندا مۇعالىمدەرگە ارنالعان بەسكۇندىك ەنگىزىلدى

117 رەت كورسەتىلدى

قر وقۋ-اعارتۋ ءمينيسترىنىڭ 2022 جىلعى 27 قىركۇيەكتەگى بۇيرىعىمەن پەداگوگتىڭ جۇمىس ۋاقىتى مەن دەمالىس ۋاقىتىنىڭ ەرەكشەلىكتەرىن انىقتاۋ ەرەجەسىنە وزگەرىستەر ەنگىزىلدى، دەپ حابارلايدى Egemen.kz.

ەنگىزىلگەن تۇزەتۋلەرگە سايكەس، ءبىلىم وردالارىندا بەس كۇندىك وقۋ ەنگىزىلەدى. سەنبى جانە جەكسەنبى كۇندەرى دەمالىس بولادى. بىراق ءۇش اۋىسىمدا وقيتىن، ورىن جەتىسپەيتىن مەكتەپتەردە، تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ ۇيىمدارىندا ساباق كەستەسى بۇرىنعىداي قالا بەرەدى. ءۇش اۋىسىمدا وقيتىن، ورىن جەتىسپەيتىن مەكتەپتەردە جۇمىس ىستەيتىن مۇعالىمدەر ءۇشىن جەكسەنبى عانا دەمالىس بولىپ بەكىتىلدى.

قوسىمشا ءبىلىم بەرۋ باعدارلامالارى بويىنشا شارتتىق نەگىزدە جۇمىس ىستەيتىن مەكتەپكە دەيىنگى ۇيىمداردىڭ پەداگوگتەرىنىڭ جۇمىس ۋاقىتى مەن دەمالىس رەجىمى ىشكى ءتارتىپ ەرەجەلەرىمەن بەلگىلەنەدى.

بۇيرىق 2022 جىلدىڭ 1 قازانىنان باستاپ قولدانىسقا ەنگىزىلدى. 

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار