تاۋەلسىز قازاقستاننىڭ تاريحىندا پرەزيدەنت ءوزىنىڭ ەلەكتورالدىق تسيكلىن العاش رەت الدىن الا جاريا ەتتى. ياعني, ءبىرىنشى قىركۇيەكتەگى جولداۋىندا اتاپ ءوتتى. بۇل ساياسي پىكىر الۋاندىعى مەن دەموكراتيانىڭ بارلىق ۇستانىمدارىنا سايكەس كەلەدى. ويتكەنى ساياسي پارتيالارعا ءبىرىنشى قىركۇيەكتەن باستاپ 2023 جىلى وتەتىن پارلامەنت سايلاۋىنا, 20 قاراشادا وتەتىن پرەزيدەنت سايلاۋىنا الدىن الا دايىندالۋعا, كانديداتتارىن ۇسىنۋعا, جالپى سايلاۋالدى ناۋقانعا دايىندالۋعا مۇمكىندىك بەرىپ وتىر. قازىرگى كۇردەلى گەوساياسي جاعدايدا ىشكى ساياسي جانە الەۋمەتتىك-ەكونوميكالىق جاعدايدىڭ تۇراقتىلىعىن قامتاماسىز ەتۋ اسا ماڭىزدى.
بۇل جولعى سايلاۋدىڭ تاعى ءبىر ەرەكشەلىگى – پرەزيدەنتتىڭ وكىلەتتى ايتارلىقتاي قىسقارعان كەزدە, جاڭا جاعدايدا وتەدى. ەندى پرەزيدەنت قانداي دا ءبىر پارتياعا مۇشە بولا المايدى, تەك ءبىر مەرزىمگە سايلانادى جانە قايتا سايلانۋعا قۇقىعى جوق.
پرەزيدەنتتىڭ 7 جىلدىق وكىلەتتىك مەرزىمى نەسىمەن ءتيىمدى دەگەن ماسەلەگە كەلەتىن بولساق, بىرىنشىدەن, سىرتقى گەوساياسي احۋالدى ەسكەرە وتىرىپ, ەلدەگى ترانسفورماتسيالىق ۇدەرىستەردىڭ قارقىنىن باسەڭدەتپەي جۇزەگە اسىرۋ ءۇشىن قاجەت. ەكىنشىدەن, وسى ارالىقتا ەكونوميكانى تۇراقتى دامىتۋدى, حالىقتىڭ ءال-اۋقاتىن ارتتىرىپ, تۇرمىس ساپاسىن جاقسارتۋدى كوزدەيتىن ۇزاق مەرزىمدى مىندەتتەردى ءتيىمدى ىسكە اسىرۋعا مۇمكىندىك مول. ياعني ءوزىنىڭ بىلىكتىلىگى مەن الەۋەتىن كورسەتىپ, العا قويعان جوسپارىن تياناقتى اتقارىپ شىعۋعا بۇل مەرزىم تولىق جەتكىلىكتى. نەگىزى, ادىلەتتى قازاقستان قۇرۋ جولىنداعى ەڭ باستى قادامداردىڭ ءبىرى وسى دەپ سانايمىن.
ريمما بەكتۇرعانوۆا,
قوستاناي وبلىسى ايەلدەر كۇشتەرى اليانسىنىڭ توراعاسى
