ساياسات • 03 قازان، 2022

العاشقى ۇمىتكەر

1056 رەت كورسەتىلدى

پرەزيدەنتتىككە العاشقى كانديدات «اۋىل» حالىقتىق-دەموكراتيالىق پاتريوتتىق پارتياسىنان ۇسىنىلدى. پارتيانىڭ كەزەكتەن تىس حح سەزىندە پرەزيدەنت سايلاۋى­نا ۇمىتكەر رەتىندە قازاقستان فەرمەرلەر قاۋىمداستىعىنىڭ باسقارما توراعاسى جيگۋلي دايراباەۆتىڭ ەسىمى اتالدى.

«اۋىل» حدپ پارتياسىنىڭ توراعاسى ءالي بەكتاەۆ كەزەكتەن تىس وتەتىن پرەزيدەنت سايلاۋىنا پرەزيدەنتتىككە ۇمىتكەر رەتىندە پارتيانىڭ اتىنان قازاقستان فەرمەرلەر قاۋىمداستىعىنىڭ باسقارما توراعاسى جيگۋلي مولداحالىق ۇلى دايراباەۆتىڭ كانديداتۋراسىن سەزد قاراۋىنا ۇسىندى. سەزد دەلەگاتتارى ۇسىنىلعان كانديداتۋرانى قولداپ، ءبىراۋىزدان داۋىس بەردى.

«اۋىل» پارتياسى كەزەكتەن تىس پرەزيدەنت سايلاۋى جاڭا قازاقستاننىڭ قالىپ­تاسۋ جولىنداعى ماڭىزدى كەزەڭ بولادى دەپ سەنەدى. سوندىقتان دا حالىقتىق-دەموكراتيالىق پاتريوتتىق پارتيا 20 قاراشادا وتەتىن قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا قاتىساتىنىن مالىمدەيدى. پرەزيدەنت سايلاۋىنا كانديدات ۇسىنۋى پارتيانىڭ ەلىمىزدەگى ىرگەلى قوعامدىق-ساياسي ۇيىمداردىڭ ءبىرى رەتىندە قازاقستان رەسپۋبليكاسى زاڭدارىندا كورسەتىلگەن قۇقىقتارىن قولدانا وتىرىپ، دەموكراتيا پرينتسيپتەرىنە ساي، مەملەكەت ومىرىندەگى ماڭىزدى وقيعالارعا قاتىسۋداعى شەشىمى مەن ەرىك-جىگەرىن ايقىن تانىتادى. پرەزيدەنت سايلاۋىنا قاتىسۋ ارقىلى «اۋىل» پارتياسى ءوزىنىڭ جارعىسى مەن باعدارلاماسىندا كورسەتىلگەن ماقساتتارىن، ستراتەگيالىق مىندەتتەرىن العا تارتادى»، دەپ مالىمدەدى پارتيا توراعاسى ءالي بەكتاەۆ.

«الدا پارلامەنت ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ سايلاۋى كەلە جاتىر. پارتيا كەزەكتەن تىس ساي­لاۋدىڭ جاريالانۋىن قازىرگى كەزەڭدە قالىپ­تاسقان كۇردەلى گەوساياسي احۋال­عا بايلانىستى قابىلدانعان وڭ شەشىم، ەلىمىز­دىڭ بىرلىگى مەن تۇراقتىلىعىن ساقتاۋعا باعىت­تالعان ماڭىزدى قادام دەپ سانايدى. ساياسي دودا اشىق باسەكەلەستىك پەن اركىمگە تەڭ مۇمكىندىكتەر ۇسىناتىن «حالىق ۇنىنە قۇلاق اساتىن مەملەكەت» پەن «ادىلەتتى قازاقستان» تۇجىرىمدامالارىن قالىپتاستىرۋ جولىن­داعى مەملەكەت باسشىسىنىڭ باستامالارىن جۇزەگە اسىرۋدىڭ نەگىزگى العىشارتى بولماق»، دەدى پارتيا مۇشەلەرى.

پارتيا سەزىندە دەلەگاتتار ەلىمىزدە وتكەن جالپىۇلتتىق رەفەرەندۋمدا وتانداستارىمىز مەملەكەت باسشىسى ۇسىنعان كونس­تي­تۋتسيالىق رەفورمالارعا ايقىن باسىم­دىقپەن قولداۋ بىلدىرگەنىن ايتتى. «قازاقستاندا مەملەكەتتىڭ ساياسي جۇيەسىن جەتىل­دىرۋ باعىتىندا اۋقىمدى ءىس-شارالار جۇزەگە اسىرىلىپ، ەل ازاماتتارىنىڭ الەۋمەت­تىك تۇرعىدان قامتاماسىز ەتىلۋىن جەتىل­دىرۋ باعىتىندا جۇيەلى جۇمىستار جۇر­گىزى­لىپ كەلەدى. ازاماتتارىمىزدىڭ ءال-اۋقاتى­نىڭ ساپالى ءوسۋى مەملەكەتتىڭ ەكو­نومي­كالىق ساياساتىنىڭ نەگىزگى ماقساتىنا اينالدى»، دەدى پارتيا جەتەكشىسى.

ول سونداي-اق «اۋىل» پارتياسى الداعى ساياسي دوداعا قاتىسۋ ارقىلى اۋىل تۇرعىن­دارى­نىڭ، ەڭبەك ادامدارىنىڭ، ادال ەڭبەك­كەرلەردىڭ مۇڭ-مۇقتاجىن قوزعاپ، مۇددەسىن قورعايتىن ۇيىم رەتىندە ساياسي ۇستا­نىمىن تاعى ءبىر مارتە دالەلدەيتىنىن ايتتى. پار­تيانىڭ بۇل ۇستانىمدارى «اۋىل» حا­لىق­­تىق-دەموكراتيالىق پاتريوت­تىق پار­تيا­سى­ن­ىڭ 2022 جىلعى 20 قاراشا­داعى قا­زاق­­ستان رەسپۋبليكاسى پرەزيدەنتى­نىڭ ساي­­لاۋىنا قاتىسۋ تۋرالى مالىمدەمە­سىندە دە ايقىن كورىنىس تاپقان. «اۋىل – ءداس­تۇرلى قۇندىلىقتارىمىزدىڭ تامىرى مەن باستاۋى، ونەگەلى ادامگەرشىلىك داس­تۇر­­لەرىنىڭ وزەگى، حالقىمىزدىڭ ءتىلى مەن ما­دەني دىڭگەگىن ساقتاۋشى. «اۋىل» پار­تيا­­سى­نىڭ ءجۇز مىڭداعان مۇشەسىنىڭ ارا­سىن­دا كەز كەلگەن داعدارىس­تان شىعۋ ءۇشىن مەم­لە­كەتتىك سترا­تەگياعا نەگىزدەلگەن ناقتى باع­دارلا­ما­لارىن ۇسىنا الاتىن، ەل ەكونوميكاسىن جاڭاشا ساپالىق دەڭگەيگە كوتەرۋگە قابى­لەتتى، كاسىبي دەڭگەيى جوعارى اۋىل شارۋا­شى­لىعى سالاسىنىڭ ماماندارى، عالىم­دار جانە الەۋمەتتىك سالا مامان­دارى جەت­كىلىكتى. «اۋىل» حالىقتىق-دەمو­كرا­تيا­لىق پات­ريوتتىق پارتياسىنىڭ باستى ماق­ساتى – ساياس­ي تۇرعىدان تۇراقتى، ەكونو­مي­­كا­لىق تۇر­عىدان وركەندەگەن، الەۋمەت­تىك تۇر­عىدان ادى­لەت­تى جاڭا قازاقستان­دى قا­لىپتاس­تىرۋ­عا اتسالىسۋ. ءبىز ءاربىر قازاق­ستاندىقتى ال­دا­عى سايلاۋعا قاتىسىپ، ەلىمىز ءۇشىن اسا ما­­ڭىز­دى تاريحي كەزەڭدە ازاماتتىق بەل­سەن­­­دى­لى­گىن تانىتۋعا شاقىرامىز!»، دەلىنگەن مالىمدەمەدە.

سوڭعى جاڭالىقتار

ەلىمىزدە 175 ادام كوروناۆيرۋس جۇقتىردى

كوروناۆيرۋس • بۇگىن، 09:06

«ايبوز» دارابوزدارى انىقتالدى

ادەبيەت • بۇگىن، 08:55

پرەزيدەنت قۇتتىقتاۋى

پرەزيدەنت • بۇگىن، 08:50

ەلدىك نيەت

ايماقتار • بۇگىن، 08:48

كەزەكتە – جەر ۇيلەر

ايماقتار • بۇگىن، 08:46

زاڭ جوباسى قارالدى

ساياسات • بۇگىن، 08:42

ءتيىمدى ىنتىماقتاستىق

ساياسات • بۇگىن، 08:38

جەڭىستىڭ باستاۋى – حالىق

قوعام • بۇگىن، 08:27

اسىل تۇقىمنىڭ پايداسى

ايماقتار • بۇگىن، 08:24

بەرەكەلى اقباس سيىر

ەكونوميكا • بۇگىن، 08:20

اۆتوجولدىڭ سان الۋان ماسەلەسى

ەكونوميكا • بۇگىن، 08:18

ىشكى جالپى ءونىم 4 پايىزعا وسەدى

ەكونوميكا • بۇگىن، 08:14

ينفلياتسيانىڭ كەزەكتى تولقىنى

ەكونوميكا • بۇگىن، 08:10

اۋرۋدىڭ الدىن الايىق!

مەديتسينا • بۇگىن، 08:08

ءبىلىم كوكجيەگىن كەڭەيتكەن

عىلىم • بۇگىن، 08:06

ساپاسىز ويىنشىقتىڭ زالالى

ايماقتار • بۇگىن، 08:04

ۇقساس جاڭالىقتار