ءبىلىم • 02 قازان، 2022

امبەباپ وقۋ ورتالىعى

117 رەت كورسەتىلدى

بۇگىندە كوپشىلىك اتا-انالار جوعارعى سىنىپتا وقيتىن بالاسى ءۇشىن ۇبت-عا ساپالى دايارلاي­تىن قوسىمشا ءبىلىم بەرۋ ورتالىقتارىن ءجيى ىزدەي­دى. ويتكەنى مەكتەپ بىتى­رۋ­­شىلەردىڭ قوسىمشا دايار­لىقسىز جوعارى وقۋ ورنى­نا گرانتقا ءتۇسۋ مۇم­­كىندىكتەرى جىلدان جىلعا ازايىپ بارادى. ال وڭىرلەردە ساپالى ءبى­لىم بەرەتىن ءارى باعا­سى قول­جەتىمدى رەپە­تي­تور­لىق ورتالىق تابۋ ءتىپتى قيىن.

اقتوبە وبلىسىندا ءبىر جاعى­نان ورتا مەكتەپ باعدار­لا­ماسىن وقىتىپ، ەكىنشى جاعىنان ۇبت-عا دايار­لايتىن رەپەتيتورلىق ورتا­­لىق­تىڭ قاجەتتىگى سەزىلەتىن. اۋدان مەكتەپتەرى ءۇشىن وسى ماسە­لە ءتىپ­تى وزەكتى كۇيىندە قالىپ وتىر.

بىلتىر اقتوبەدە اشىلعان 125 High school مەكتەبى قالا مەكتەپتەرىنىڭ 10-11 سىنىپتارىنان 185 وقۋشىنى شەتەلدىك جانە قازاقستاندىق جوعارعى وقۋ ورىندارىنا دايارلاي باستادى. وسى مەكتەپتىڭ ديرەكتورى ەربول تەلەميسوۆتىڭ ايتۋىنشا، 185 وقۋشىنىڭ 92-ءسى مەملەكەتتىك گرانت­قا قول جەتكىزسە، 6 وقۋشى ەلىمىزدىڭ ءىرى جوو-نىڭ ارنايى گرانتىنا يە بولدى. سونداي-اق 27 تۇلەك تۇركيا، رەسەي، يتاليا، پولشا، يسپانيا، بە­لارۋس، اقش جوعارعى وقۋ ورىن­دارىنا باكالاۆرياتقا وقۋ­عا تۇسكەن. ايتا كەتۋ كەرەك، بىلتىرعى اقتوبە وبلىسى بو­يىنشا ۇبت-دان ەڭ جوعارعى ۇپاي جيناعان باعدات نارقىز – وسى مەكتەپتىڭ تۇلەگى. نارقىز بۇگىندە م.وسپانوۆ اتىن­دا­عى اقتوبە مەملەكەتتىك مەديتسينا ۋنيۆەرسيتەتىندە ستوماتولوگيا بولىمىندە 1 كۋرستا وقيدى.

«وسى وقۋ جىلىندا 10-11 سىنىپتاردا 335 وقۋشى وقيدى، ولارعا 20 ءپان مۇعالىمى ساباق بەرەدى، 12 مەنتور جۇمىس ىس­تەيدى. قازاق مەكتەبى بولساق تا، شەتەلدىك جوو-نا دايىندايتىن SAT سىنىبىن اشتىق. بۇل سىنىپ ن.نازارباەۆ ۋنيۆەرسيتەتىنە جانە شە­تەلدىك ۋنيۆەرسيتەتتەرگە وقۋعا تۇسكىسى كەلەتىن وقۋشىلار ءۇشىن اشىلعان. مەكتەبىمىزگە 9 سىنىپتى بىتىرگەن وقۋشىلار قابىلدانادى. وقۋ اقىسى ونشا قىمبات ەمەس، ورتاشا كۋرستىڭ باعاسى سياقتى. جالپى ءبىلىم بەرەتىن مەكتەپتەردەن كوپ ايىر­ما­­شىلىعى دا جوق. بىزدە ۇبت-نىڭ نەگىزگى بەس ءپانى، فيزيكا-ماتەماتيكا، حيميا-بيولوگيا، دۇ­نيە­جۇزى تاريحى، اعىلشىن با­­عىتىندا تەرەڭدەتىلىپ وقى­تى­لادى. مەنتورلار بالانى تاڭەرتەڭگىلىك كۇتىپ الىپ، كۇن ۇزا­عىنا ساباققا قاتىسۋىن قادا­عا­لايدى، وقۋشىنىڭ ءۇي جۇمى­سىن تەكسەرەدى، اتا-انامەن بايلانىس جاساپ، ءارتۇرلى ءىس-شارالار وتكىزەدى. بىزدە بالانىڭ باسقا ساباقتارمەن باسى قاتپايدى. تۇسكە دەيىن نەگىزگى ساباقتاردى وقىسا، تۇستەن كەيىن قوسىمشا ساباقتار باستالادى، ءۇي تاپسىر­ما­سىنا دايىندالادى. ءار اپتا­نىڭ سوڭىندا پاندەر بويىنشا اپتالىق تەست الىنادى، اي سايىن وقۋشى ۇبت-نىڭ 140 سۇرا­عى­نان بايقاۋ سىناعىن تاپسىرادى»، دەيدى 125 High school مەك­تەبىنىڭ ديرەكتورى ەربول تەلەميسوۆ.

ءبىلىم ينۆەستيتسياعا اينالىپ كەلە جاتقان قازىرگى جاعدايدا بالانىڭ باستاۋىشتان باستاپ ءبىلىمى دۇرىس قالانباسا، جوعارى سىنىپقا اۋىسقاندا الدىنان كەدەرگى بولىپ شىعادى.

ەلىمىزدىڭ جوعارعى وقۋ ورىندارىنا گرانتقا تۇسۋگە كەپىلدىك بەرەتىن 125 High school مەكتەپ جەلىسى تۇڭعىش رەت 2019 جىلى تاراز قالاسىندا اشىلدى. وسى مەكتەپتىڭ نەگىزىن قالاعان الىبەك ەسەنوۆ ءتيىمدى ءبىلىم ادىستەمەسىن جەتىلدىردى. باسقا قالالاردا دا وسى مەكتەپ جەلىلەرى كوپتەپ اشىلا باستادى. بالانىڭ ءبى­لىم­دى بولۋى ۇستازدان دەسەك تە، وقۋ­شى­لاردىڭ ساباق ۇلگەرىمىن ءبىر دەڭگەيدە ۇستاپ تۇرۋ وڭاي ەمەس. بالانىڭ ساباققا دەگەن ىنتاسىن وياتا ءبىلۋ دە وتە ماڭىزدى. وسى جاعىنان 125 High school مەكتەبىنىڭ ەرەكشەلىگى نەدە دەگەن سۇراعىمىزعا ديرەكتور بىلاي دەپ جاۋاپ بەردى: «مەكتەبىمىزدىڭ بىرنەشە ارتىقشىلىعى بار. بىرىنشىدەن، ءپان مۇعالىمدەرى تەك ساباق وقى­تا­دى جانە قوسىمشا ساباق­تا­رىن وتكىزەدى. ەكىنشىدەن، بىزدە ەكى مەكتەپ پسيحولوگى مەن ارنايى كاسىبي باعدار بەرۋشى مامان بار. پسيحولوگ ءوز باعىتىندا جۇ­مىس اتقارادى. كاسىبي باعدار بەرۋشى ءار وقۋشىنىڭ قانداي ماماندىققا وقۋعا تۇسۋگە بولا­تى­­نىن، قازاقستاندا قانداي ما­­­مان­دىققا سۇرانىس بار ەكەن­دىگىن كورسەتىپ، بالامەن كەشەندى تۇردە جۇمىس جۇرگىزەدى. ولار با­لانىڭ قابىلەتىن، قاي سالاعا بەيىمدىلىگىن انىقتاپ، باعدار بەرەدى. ۇشىنشىدەن، بىزدە مەنتور قىزمەتى بار. مەنتورلار وقۋ­شىنىڭ ءۇي تاپسىرماسىن قا­دا­عالاپ، اتا-اناسىمەن بايلانىس ورناتادى».

وسى مەكتەپتە تاقىرىپتى مەڭگەرۋ ءۇشىن ساباقتاردىڭ ءار ءتۇرلى ورتادا وتكىزۋ تاجىريبەسى ەنگىزىلگەن. ماسەلەن، بىرنەشە كۇننەن بەرى بيولوگيا، تاريح، ماتەماتيكا، اعىلشىن ءتىلى پاندەرى ورتالىق ساياباقتا جانە مەكتەپ اۋلاسىندا ءارتۇرلى فورمات­تا ءوتىپ جاتىر. تابيعات اياسىندا وتكەن ساباقتى بالا تەز ۇعىنادى. ءار بالانىڭ قابىلداۋى ءار ءتۇر­لى، مىنەز ەرەكشەلىگى تاعى بار. سوندىقتان ساباق كەزىندەگى سەر­گىتۋ شارالارى وقۋشىنىڭ تاقى­رىپ­تى جاقسى مەڭگەرۋى ءۇشىن قاجەت. جەتكىنشەكتىڭ وزىنە دەگەن سە­نىمدىلىگى جوعارى بولسا، ءومىر جولىندا كەزدەسەتىن قيىن­شى­لىقتاردى جەڭە بىلەدى. تۇپكى ناتيجە – وزىندىك پىكىرى بار، ويىن اشىق ايتا الاتىن، تۇلعالىق جا­عى­نان قالىپتاسقان جاقسى ازا­­مات تاربيەلەۋ. ەلىمىزدەگى ورتا ءبىلىم سالاسىندا ءوز ورنىن اي­قىنداپ ۇلگەرگەن 125 High school مەكتەبىنىڭ باستى باعىتى دا وسى.

 

اقتوبە وبلىسى

سوڭعى جاڭالىقتار

كونستيتۋتسيالىق مارتەبە بەرىلدى

قازاقستان • بۇگىن، 01:05

بلوگەر جۋرناليست ەمەس!

قوعام • بۇگىن، 00:52

سوت جۇيەسىن جەتىلدىرۋ

ساياسات • بۇگىن، 00:06

ماقتاشىلاردىڭ مۇڭى

ەكونوميكا • كەشە

ۋاقىت تالابى

قوعام • كەشە

كۇرەسكەر گەينە

ادەبيەت • كەشە

اجالدى جەڭگەن اسپان

ادەبيەت • كەشە

اعاش كوشەتى ەگىلدى

ايماقتار • كەشە

ۇقساس جاڭالىقتار