ايماقتار • 02 قازان، 2022

ورالدا رەسەيدىڭ 2 ازاماتى ەلىنە قايتارىلۋى مۇمكىن

42 رەت كورسەتىلدى

رەسەي فەدەراتسياسىنان كەلىپ جاتقان ميگرانتتار تاسقىنى ارتقان كەزدە باتىس قازاقستان وبلىسىندا پوليتسيا قىزمەتكەرلەرى كۇشەيتىلگەن جۇمىس رەجيمىنە كوشتى. تۇرعىنداردىڭ قاۋىپسىزدىگى، قوعامدىق ءتارتىپتىڭ ساقتالۋى قاتاڭ قاداعالانۋدا، دەپ حابارلايدى Egemen.kz.

 

قىركۇيەك ايىنىڭ 21-29 كۇندەرى ارالىعىندا باتىس قازاقستان وبلىسى مەن رەسەي فەدەراتسياسى شەكاراسىنداعى 6 كەدەن بەكەتىنەن 49464 ادام وتكەنى بەلگىلى بولدى.

وسى ۋاقىت ىشىندە رەسەي ازاماتتارىنا قارسى ءۇش مارتە قىلمىستىق ءىس تىركەلگەن. ونىڭ ءبىرى – 27 قىركۇيەكتە ءبورلى اۋدانىندا زورلىق-زومبىلىق وقيعاسى بولسا، 28 قىركۇيەكتە ورال قالاسىندا رەسپەيلىكتىڭ 40 مىڭ تەڭگەسىن تارتىپ العاندار ۇستالعان. 29 قىركۇيەكتە كورشى ەلدىڭ ازاماتىن الداپ، 70 مىڭ تەڭگەگە شىعىنعا باتىرعان قازاقستاندىققا «الاياقتىق» بابىمەن ءىس قوزعالدى.

بۇدان بولەك، رەسەي فەدەراتسياسى ازاماتتارى تاراپىنان بۇزىلعان اكىمشىلىك قۇقىقبۇزۋشىلىقتارعا بايلانىستى 43 مارتە ءىس قوزعالىپتى.

ال 30 قىركۇيەك كۇنى ساعات 00.00 شاماسىندا باتىس قازاقستان وبلىستىق پوليتسيا دەپارتامەنتى جەدەل باسقارۋ ورتالىعىنىڭ ينسپەكتورلارى ورالدىڭ تۇنگى كلۋبتارىنىڭ ءبىرىنىڭ جانىندا توبەلەسكەن ەر ادامداردى بەينەباقىلاۋ كامەراسىنان بايقاپ، وقيعا ورنىنا كەلگەن كەزدە، ماس كۇيىندە ءبىر-بىرىمەن جانجالداسقان رەسەي ازاماتتارى قولعا تۇسكەن.

بۇل فاكت بويىنشا ماتەريال جينالىپ، كۋاگەرلەردەن جاۋاپ الىندى. جانجالعا قاتىسۋشىلار اباي پوليتسيا بولىمىنە جەتكىزىلدى. ءسويتىپ، توبەلەسۋشى قوس ازامات ۇساق بۇزاقىلىق جاساعانى، قوعامدىق ورىندا ماس كۇيىندە جۇرگەنى جانە تىنىشتىقتى بۇزعانى ءۇشىن سوت شەشىمىمەن 5 تاۋلىككە قاماۋعا الىندى. ولاردىڭ ءبىرى 30 جاستا، ءبىرى 27 جاستا ەكەن.

«رەسەي ازاماتتارىنىڭ قازاقستان رەسپۋبليكاسى اۋماعىندا بۇدان ءارى بولۋ-بولماۋ ماسەلەسىن ازاماتتىق سوت قارايتىن بولادى»، دەپ حابارلادى پوليتسيانىڭ ءباسپاسوز قىزمەتى.

2022 جىلدىڭ باسىنان بەرى باتىس قازاقستان وبلىسىندا رەسەي ازاماتتارىنا قاتىستى 17 قىلمىستىق ءىس، 1396 اكىمشىلىك ءىس كوتەرىلگەن.

 

سوڭعى جاڭالىقتار

ۇمىتىلماس تاريحي ءسات

پىكىر • بۇگىن، 07:43

باتىل كوزقاراس، بايىپتى جول

پىكىر • بۇگىن، 07:42

ەل سەنىمىن ارتتىرعان

پىكىر • بۇگىن، 07:41

قاپىسىز حالىق قالاۋى

پىكىر • بۇگىن، 07:40

شاعىن بيزنەستىڭ شاراپاتى

بيزنەس • بۇگىن، 07:39

ساپالى ينتەرنەت قولجەتىمدى

قوعام • بۇگىن، 07:35

ۇقساس جاڭالىقتار