الەم • 01 قازان، 2022

قىرعىزستان ءبىلىم ءمينيسترى 37 500 اقش دوللار پارانى قايتاردى

46 رەت كورسەتىلدى

قىرعىزستاننىڭ ءبىلىم جانە عىلىم ءمينيسترى المازبەك بەيشەناليەۆكە قاتىستى ىرى كولەمدە (110 مىڭ دوللار) پارا بوپسالاۋ فاكتىسى بويىنشا قىلمىستىق ءىستى تەرگەۋ جۇمىستارى جالعاسۋدا، دەپ حابارلايدى Egemen.kz قىرعىزستان رەسپۋبليكاسى ءىىم ءباسپاسوز قىزمەتىنە سىلتەمە جاساپ.

تەرگەۋ بارىسىندا ءمينيستردىڭ شەتەلدىك ستۋدەنتتەردەن وتاندىق جوعارى وقۋ ورىندارىنا قابىلداۋ ءۇشىن ءىرى كولەمدە پارا بوپسالاعانى انىقتالدى. كەيىن جوعارى وقۋ ورىندارىنا ءتۇسۋ ماسەلەسىن شەشۋگە ۋادە بەرگەنى بەلگىلى بولدى. وسى ماسەلەلەردى شەشۋ ءۇشىن 100 مىڭ دوللار كولەمىندە اقشا بوپسالاعان.

تەرگەۋ بارىسىندا ونىڭ ءبىرىنشى رەت جوعارىدا اتالعان سومانى وسى جىلدىڭ 28 تامىزىندا العانى انىقتالدى. ءبىراز ۋاقىتتان كەيىن ماسەلە ءالى تۇپكىلىكتى شەشىلمەگەندىكتەن، وعان قايتادان جۇگىندى. بۇل جولى 10 مىڭ دوللار كولەمىندە اقشا بوپسالاعان. 2022 جىلدىڭ 28 قىركۇيەگىندە ول كورسەتىلگەن سومانى ($10 000) پارا الۋ كەزىندە ىشكى ىستەر مينيسترلىگىنىڭ قىزمەتكەرلەرىمەن ۇستالدى.

ودان ءارى تەرگەۋ بارىسىندا مينيستر شەتەلدىك ستۋدەنتتەردى وتاندىق جوعارى وقۋ ورىندارىنا تۇسىرگەنى ءۇشىن 110 مىڭ اقش دوللارى كولەمىندە پارا العانى انىقتالدى. تەرگەۋ بارىسىندا ول بۇرىن پارا تۇرىندە العان 37 مىڭ 500 اقش دوللارىن قايتارعان. قالعان اقشانى تەزىرەك قايتارۋعا ۋادە بەردى.

بۇل فاكتى بويىنشا تولىق جانە وبەكتيۆتى تەرگەۋ جۇرگىزىلەتىن بولادى.

بۇعان دەيىن قىرعىزستاننىڭ ءبىلىم ءمينيسترى 110 مىڭ اقش دوللارى كولەمىندە پارا الدى دەگەن كۇدىكپەن ۇستالعانىن حابارلانعان ەدىك.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار