داۋلەت عازيز ۇلى حامزين 1973 جىلى سول كەزدەگى تسەلينوگراد قالاسىندا دۇنيەگە كەلگەن. 1997 جىلى قازاق مەنەدجمەنت, ەكونوميكا جانە بولجاۋ ينستيتۋتىنىڭ ماگيستراتۋراسىن «ەكونوميكا جانە بولجاۋ» ماماندىعى بويىنشا تامامداعان. ەڭبەك جولىن 1994 جىلى ينجەنەر-باعدارلاماشى رەتىندە باستاعان.
د. حامزين 2006 جىلدان باستاپ ازاماتتىق اۆياتسيا سالاسىندا ءتۇرلى باسقارۋشىلىق لاۋازىمدارىندا قىزمەت اتقارىپ كەلەدى. اتاپ ايتقاندا, ول ءار جىلدارى «سارى-ارقا اۋەجايى» اق پرەزيدەنتى, «Scat اۆياكومپانياسى» اق دامىتۋ بويىنشا ۆيتسە-پرەزيدەنتى, «اۋليە-اتا حالىقارالىق اۋەجايى» اق باسقارما توراعاسى لاۋازىمدارىن اتقارعان.
2020 جىلدان باستاپ ەلوردا اۋەجايىندا اتقارۋشى ديرەكتور, كوممەرتسيا دەپارتامەنتىنىڭ ديرەكتورى رەتىندە ەڭبەك ەتتى. بيىلعى جىلدىڭ قاڭتار ايىنان بۇگىنگە دەيىن «نۇرسۇلتان نازارباەۆ حالىقارالىق اۋەجايى» اق باسقارما توراعاسىنىڭ ورىنباسارى قىزمەتىن اتقاردى.
سونداي-اق ول قازاقستان رەسپۋبليكاسىنىڭ تاۋەلسىزدىگىنە 20 جىل مەرەكەلىك مەدالىمەن, قر پرەزيدەنتىنىڭ العىس حاتىمەن ماراپاتتالعان. «قۇرمەتتى اۆياتور» توسبەلگىسىنىڭ يەگەرى.
