قازاقستان • 30 قىركۇيەك، 2022

قازاق راديوسىندا ءابدىرالى بولەباي اتىنداعى ستۋديا اشىلدى

65 رەت كورسەتىلدى

1 قازان راديو كۇنى قارساڭىندا قازاق راديوسىندا تەلەۆيزيا جانە راديو ارداگەرى، بەلگىلى ديكتور ءابدىرالى بولەباي اتىنداعى ستۋديا اشىلدى، دەپ حابارلايدى Egemen.kz.

راديوستۋديانىڭ اشىلۋ سالتاناتىندا اقپارات جانە قوعامدىق دامۋ ءمينيسترى دارحان قىدىرالى  ءابدىرالى بولەبايدىڭ وتاندىق جۋرناليستيكاداعى ەڭبەگى تۋرالى اتاپ ءوتتى.

«وزدەرىڭىزگە بەلگىلى، وتكەن جىلى مەملەكەت باسشىسى 1 قازاندى راديو كۇنى دەپ جاريالادى. ەڭ اۋەلى بارشاڭىزدى كاسىبي مەرەكەمەن قۇتتىقتايمىن. وسى اتاۋلى كۇن قارساڭىندا ءابدىرالى بولەباي اتىنداعى ستۋديانى اشۋ عاسىرلىق تاريحى بار قازاق راديوسىنىڭ ۇلاعاتتى ءىسى. ءابدىرالى بولەبايدىڭ داۋىسى جادىمىزدا، سانامىزدا جاتتالىپ قالدى. ءومىرىنىڭ سوڭىنا دەيىن قاراشاڭىراقتا قىزمەت ەتىپ، «التىن قورعا» 500-گە جۋىق حابار قالدىردى. قازاق جۋرناليستيكاسىنداعى ءابدىرالى بولەباي ەسىمى ۇمىتىلمايدى»، دەدى مينيستر.

ءابدىرالى بولەباي ۇزاق جىلدار بويى قازاق راديوسىندا، «Qazaqstan»، «حابار» تەلەارنالارىندا، قازاقستان رەسپۋبليكاسى پرەزيدەنتىنىڭ تەلەراديوكەشەنىندە قىزمەت اتقاردى.

اشىلۋ سالتاناتىنان كەيىن ءا.بولەباي اتىنداعى ستۋديادا ء«ابدىرالى الەمى» اتتى العاشقى حابار ءوتىپ، مارقۇمنىڭ جارى بايان شۇباروۆا جانە جاقىندارى مەن ارىپتەستەرى تىڭدارماندارمەن تىكەلەي ەفيردە سۇحباتتاستى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار