ايماقتار • 30 قىركۇيەك، 2022

تارازدا بازاردان ءورت شىقتى

63 رەت كورسەتىلدى

تاراز قالاسىنداعى «بەرەكە» بازارىنان ءورت شىقتى، دەپ حابارلايدى Egemen.kz جامبىل وبلىستىق توتەنشە جاعدايلار دەپارتامەنتىنە سىلتەمە جاساپ.

ۆەدومستۆو مالىمەتىنشە، ءورت بۇگىن تاڭەرتەڭ ساعات 7.52-دە تىركەلگەن.

«30 قىركۇيەكتە ساعات 7.52-دە وڭىردەگى دەپارتامەنتتىڭ ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ كۇشتەرى مەن قۇرالدارىن جەدەل باسقارۋ ورتالىعىنىڭ 101 تەلەفونىنا تاراز قالاسى مامبەت باتىر كوشەسىندەگى «بەرەكە» بازارىنىڭ اسحاناسى مەن ساۋدا دۇڭگىرشەكتەرىندە ءورت شىققاندىعى تۋرالى حابارلاما ءتۇستى. وقيعا ورنىنا جوعارى شاقىرتۋ بويىنشا دەپارتامەنت بولىمشەلەرىنىڭ كۇشتەرى مەن قۇرالدارى، اتاپ ايتقاندا 56 قىزمەتكەر جانە 13 تەحنيكا شىقتى»، دەلىنگەن حابارلامادا.

بەلگىلى بولعانداي، ءورت ساعات 8.30-دا وقشاۋلانعان، ءورتتى جويۋ جۇمىستارى ءالى دە جالعاسۋدا. وقيعا سالدارىنان قازا بولعاندار مەن زارداپ شەككەندەر جوق. قازىر ءورتتىڭ سەبەبى انىقتالىپ جاتىر.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار