«قازىرگى قوعامدا ادامداردىڭ ءبىر-بىرىنە دەگەن قۇرمەتى مەن سەنىمى ازايىپ بارا جاتىر. بۇل – وتە قاۋىپتى. قاتىگەزدىك پەن سەنىمسىزدىك, نەمقۇرايلىلىق, ەنجارلىق – حالىقتى جارعا جىعاتىن جاعىمسىز ادەتتەر. ءبىز ەل بولامىز دەسەك, ەڭ الدىمەن, جاستاردىڭ بويىنا ادامگەرشىلىك قاسيەتتەردى ءسىڭىرۋىمىز كەرەك», دەدى پرەزيدەنت.
سونداي-اق ول ءوزارا تىلەكتەستىك پەن باۋىرمالدىقتى ءاردايىم دارىپتەۋ كەرەگىن ايتتى.
«مۇنى ابايدان ارتىق ايتقان ەشكىم جوق. ۇلى ويشىلدىڭ ء«بىرىڭدى قازاق ءبىرىڭ دوس, كورمەسەڭ ءىستىڭ ءبارى بوس» دەگەن وسيەتىن ۇمىتپايىق, اعايىن!» دەدى مەملەكەت باسشىسى.
