كەزدەسۋ بارىسىندا پرەزيدەنت «جايلى مەكتەپ» ۇلتتىق جوباسى ايتتى.
ء«بىلىم – باسەكەگە قابىلەتتى جانە تابىستى ۇلت بولۋدىڭ باستى كەپىلى. قازىر ەلىمىزدە «جايلى مەكتەپ» ۇلتتىق جوباسى قولعا الىنىپ جاتىر. اباي وبلىسىنداعى مەكتەپتەردە 9 مىڭعا جۋىق بالاعا ورىن جەتىسپەيدى. الداعى ۋاقىتتا 11 مەكتەپ جانە 14 بالاباقشا سالۋ جوسپارلانعان. بىراق, مۇنىڭ ءوزى جەتكىلىكسىز. ۇكىمەت پەن اكىمدىككە وبلىس مەكتەپتەرىندەگى ورىن تاپشىلىعى ماسەلەسىن ءبىرجولا شەشۋدى تاپسىرامىن», دەدى قاسىم-جومارت توقاەۆ.
ودان ءارى مەملەكەت باسشىسى قازاقستاندا ۇستازداردىڭ مارتەبەسىن كوتەرۋ ماقساتىندا ۇدايى جۇمىس اتقارىلاتىنىن ايتىپ ءوتتى.
ء«بىز ۇستازدى قۇرمەت تۇتقان ەلمىز. بۇل ءسوزىمىز ناقتى ىسپەن بەكىتىلىپ جاتىر. ارنايى وقۋ-اعارتۋ مينيسترلىگى قۇرىلدى. ءبىز بۇعان دەيىن «پەداگوگتاردىڭ مارتەبەسى تۋرالى» زاڭ قابىلداپ, ونىڭ اياسىندا مۇعالىمدەردىڭ جالاقىسىن وسىردىك. «الىپپەنى» قايتاردىق. ورتا ءبىلىمدى دامىتۋعا باعىتتالعان بىرقاتار جاعىمدى وزگەرىس بار. وسىنداي يگى شارالار ارقىلى ءبىز قوعامدا مۇعالىمنىڭ مارتەبەسىن ودان ءارى بيىكتەتەمىز. ۇستاز ءبىزدىڭ قوعامدا ءاردايىم سىيلى تۇلعا بولادى», دەپ تۇيىندەدى مەملەكەت باسشىسى.
