سپورت • 30 قىركۇيەك، 2022

توپتان شىعۋ قيىن بولعالى تۇر

32 رەت كورسەتىلدى

بۇل كۇندەرى نيدەرلاند پەن پولشانىڭ بىرنەشە قالاسىندا ۆولەيبولدان ايەلدەر اراسىندا كەزەكتى الەم چەمپيوناتى ءوتىپ جاتىر. دۇنيە ءجۇزىنىڭ ەڭ ۇزدىك 24 قۇراماسى باق سىناپ جاتقان جاھاندىق دودادا قازاقستان قۇراماسى دا ونەر كورسەتۋدە.

بيىلعى الەم چەمپيوناتىندا داركو دوبرەسكوۆ جەتەكشىلىك ەتەتىن قازاقستان قۇراماسى «س» توبىندا اقش (توكيو وليم­پياداسىنىڭ جەڭىمپازى)، سەر­بيا (2018 جىلعى الەم چەمپيو­نى)، گەرمانيا (ەۋروپا چەم­پيوناتىنىڭ ەكى دۇركىن كۇمىس جۇلدەگەرى)، بولگاريا (ەۋروپا چەمپيونى) جانە كانادا (پا­نامەريكا ويىندارىنىڭ قولا جۇلدەگەرى) سەكىلدى ازۋلى قۇ­رامالارمەن ءبىر توپقا تۇسكەن ەدى. ءبىزدىڭ توپتاعى اقش پەن سەربيا قۇراماسى ماماندار تاراپىنان تەك «س» توبىنىڭ عانا ەمەس، وسى جىلعى الەم بىرىنشىلىگىنىڭ نەگىزى فاۆوريت­تەرى ەكەنى ايتىلىپ جاتىر.

ۆولەيبولدان الەم چەمپيو­ناتىنىڭ تاريحىنا كوز جۇ­گىرتەر بولساق، قازاقستان قىز­دار قۇ­راماسى بايراقتى با­سەكەگە 2006 جىلدان بەرى تۇ­راق­تى تۇردە قاتىسىپ كەلەدى. ازىر­گە ەڭ ۇزدىك كورسەتكىشى – 15-ورىن (2014 جىل). بيىلعى چەم­پيوناتتا ەل نامىسىن مىنا ويىنشىلار قورعاپ جاتىر: ءمادينا بەكەت، توميريس سا­عىم­باەۆا، كريستينا بە­لوۆا، ءسابيرا بەكىشەۆا، دينارا قو­جان­بەردينا، نايليا نيگ­ما­تۋ­لينا، ەليزاۆەتا مەيس­تەر، مار­گاريتا بەلچەنكو، ەكا­تەري­نا ميحايلوۆا، تاتيانا ني­كي­تينا، يانا پەترەنكو، نا­تاليا سمير­­نوۆا، ۆالەريا چۋ­ماك جانە اناس­­­تاسيا كولوموەتس.

الەم چەمپيوناتىنىڭ ەرە­جەسى بويىنشا 24 قۇراما ءبىرىنشى اينالىمدا التى-التى قۇرامادان ءتورت توپقا ءبولىنىپ، ءبىر رەتتەن ءبىر-بىرىمەن ويناپ شىعادى. بۇل كەزەڭدەگى ويىن­داردىڭ ءبارى ارنحەم قالا­سىنداعى «گەل­­رەدوم» ستاديونىندا ءوتىپ جاتىر.

العاشقى اينالىم اياقتالعان سوڭ، ءار توپتاعى ۇزدىك 4 قۇراما 2-اينالىمعا جولداما الادى. ا جانە D توبىنداعى ءتورت كوماندا ە توبىنا ءتۇسىپ، نيدەرلاندتا وينايدى. ال ۆ مەن س كۆارتەتىنىڭ ۇزدىكتەرى F سەبەتىنە ءتۇسىپ، پول­شادا شەبەرلىك بايقاسادى. مۇن­دا 1-اينالىمدا ويناعان قۇ­را­مالاردىڭ جولى قايتا تۇيىس­­­پەيدى. ول ءۇشىن العاشقى كە­زەڭنەن سوڭ رەيتينگ تۇزىلەدى. ناتي­جەسىندە، 2-اينالىمدا ءار توپتان 4 ۇجىم شەشۋشى سىن­عا جولداما الادى. مۇندا ولار شي­رەك فينالدان باس­تاپ وليم­پيادالىق جۇيەمەن كىم مىقتىنى انىقتايدى.

بيىلعى چەمپيوناتتىڭ ءبىرىن­شى اينالىمىندا قازاقستان قۇ­راماسى ەڭ العاش ازۋلى اقش ۆولەيبولشىلارىمەن شەبەرلىك بايقاسىپ، 3:0 ەسەبىمەن جەڭىلىپ قالدى. قازاقستاندىق قىزدار العاشقى كەزەڭدە قارسىلاستارىنا 16:25 ەسەبىمەن جول بەرسە، كەيىنگى ەكى سەتتە 13:25 جانە 22:25 ەسەبى­مەن ۇتىلىپ قالدى. ەكىنشى تۋردا گەرمانيامەن كەزدەسكەن جەر­لەستەرىمىز بۇل جولى دا ءدال سونداي ەسەپپەن قارسىلاستارىنا ەسە جىبەردى – 15:25، 18:25، 21:25.

وزگە توپتاعى ناتيجەلەرگە توق­تالار بولساق، ءۇش تۋردان كەيىن «ا» توبىندا يتاليا، «ۆ» توبىندا دومينيكان رەسپۋبليكاسى جانە «D» توبىندا برازيليا مەن قىتاي قۇرامالارى 9 ۇپايمەن كوش باستاپ كەلەدى.

كەشە كانادا قۇراماسىمەن كەزدەسكەن وتانداستارىمىز بۇگىن سەربيامەن، ەرتەڭ سوڭعى تۋردا بولگاريا ۆولەيبولشىلارىمەن وينايدى.

سوڭعى جاڭالىقتار

ايتىپ كەلگەن اپات

ايماقتار • كەشە

«مىڭ بالا» جەڭىمپازدارى

رۋحانيات • كەشە

اقيقاتتىڭ اي ديدارى – ءباسپاسوز

ەگەمەن قازاقستان • كەشە

ىنتىماقتاستىق ىقپالى

ەكونوميكا • كەشە

جاڭا فورماتتاعى ساۋدا

ەكونوميكا • كەشە

جوتەلگە جەڭىل قاراماڭىز

مەديتسينا • كەشە

بىتىمگەرشىلىك ساردارلارى

قازاقستان • كەشە

جىپ-جىلى جۇرەك بۋىنداي

ادەبيەت • كەشە

داۋىستىڭ دا ءتۇسى بار

ادەبيەت • كەشە

ۇقساس جاڭالىقتار