ونەر • 30 قىركۇيەك، 2022

مۋزىكا كەشىندە...

57 رەت كورسەتىلدى

ەلوردانىڭ ە.راحماديەۆ اتىن­داعى مەملەكەتتىك اكا­دە­­ميالىق فيلارمونياسىندا «فران­تسيا مۋزىكا كەشى» كون­تسەر­تى ءوتتى. كەش باع­دارلاماسىندا جورج بيزە، مو­ريس راۆەل، كلود دەبيۋسسي، شارل گۋنو، جيۋل ماسسنە، شارل كەكلەن، ەدۋار لالو جانە فران­سيس پۋلەنك سىندى فرانتسۋز كوم­پو­زيتورلارىنىڭ تانىمال ۆوكالدىق شىعارمالارى ورىندالدى.

جالپى، فرانتسۋز مادەنيەتىنىڭ الەمدىك وركەنيەتتەگى الار ورنى ەرەك. ال فرانتسۋز ءانى – تاريحى تەرەڭ مۋزىكالىق مادەنيەتتىڭ ءبىرى. ماسەلەن، فرانتسيانىڭ ۇلت­تىق وپەراسى XVII عاسىردىڭ ورتاسىندا قالىپتاسىپ، سودان بەرى الەمدىك مۋزىكا قازىناسىنا سان­داعان جاۋ­ھار سىيلادى.

كەش بارىسىندا قازاق­ستاننىڭ ەڭبەك سىڭىرگەن قايرات­كەرلەرى بيبى­گۇل جانۇزاق (سوپرانو)، ازامات جىل­تىركوزوۆ (باريتون)، مۋزىكا اكا­دەميگى سايدا كالىكوۆا (فورتە­پيانو)، «دارىن» مەملەكەتتىك جاس­تار سىيلىعىنىڭ لاۋرەاتى ال­تىن­بەك ءابىلدا (باريتون)، حا­لىق­ارا­لىق بايقاۋلاردىڭ لاۋرەاتتارى اي­گە­رىم امانجولوۆا (سوپرانو)، تال­­عات اللابيرينوۆ (تەنور)، ال­­تىن­­بەك ارىستانبەك (تەنور)، في­رۋزا راحمەتوۆا (سوپرانو) ونەر كور­سەت­تى. ال كونتسەرتمەيستەر – روزا شوت­قا­ليەۆا. ازامات جىلتىركوزوۆ فران­­تسۋز مۋزىكاسىنىڭ كەشىن دا­يىن­­­داۋ­عا كوپ كۇش جۇمسالعانىن اتاپ ءوتتى.

«باعدارلاما فرانتسۋز مۋزى­كا­سىنىڭ سۇلۋلىعى مەن باي­لىعىن كورسەتۋ ءۇشىن ارنايى تاڭدالدى. بيزەنىڭ «كارمەنى» بارشاعا تانىس، ول ءالى كۇنگە دەيىن ميلليونداعان ادامنىڭ سۇيىكتى وپەراسى سانالادى. كونتسەرتتە، سونداي-اق ءتۇرلى كوڭىل كۇيدى، نازىك پسيحولوگيالىق كۇيلەردى جەتكىزۋ ەرەكشە ماڭىزدى بولعان يمپرەسسيونيستەر راۆەل مەن دەبيۋسسيدىڭ تۋىندىلارى بولدى. ودان بولەك، كورەرمەن ليريكا­لىق جانە قۇشتارلىق اۋەندەرىنىڭ اۆتورى «ايەل اتاۋلىسىنىڭ اقى­نى» ماسسنەنىڭ دە شىعارمالا­رىن تىڭدادى. ال پۋلەنكتىڭ مۋزىكا­سىندا پاريجدىك بوياۋ ەرەكشە ەستى­لەدى. ياعني فرانتسۋز شانسونىمەن بايلانىسى بار»، دەيدى ونەرپاز.

سوڭعى جاڭالىقتار

مۇناي باعاسى 16% تومەندەيدى

ەكونوميكا • بۇگىن، 11:30

بۇگىن اۋا رايى قانداي بولادى؟

اۋا رايى • بۇگىن، 09:33

ەلىمىزدە 49 ادام ىندەت جۇقتىردى

كوروناۆيرۋس • بۇگىن، 09:14

جاڭارعان جۇيە جاۋاپكەرشىلىگى

سايلاۋ • بۇگىن، 08:58

سايىنداعى سۋ داۋى

ايماقتار • بۇگىن، 08:50

توپ جارعان ءۇش عالىم

ءبىلىم • بۇگىن، 08:45

قىرعىزدىڭ وڭىندەي...

ونەر • بۇگىن، 08:35

انا مەن بالا اماندىعى

مەديتسينا • بۇگىن، 08:35

ساياسي الاڭداعى ۇستانىم

سايلاۋ • بۇگىن، 08:25

ۇقساس جاڭالىقتار