ەكونوميكا • 30 قىركۇيەك، 2022

تىڭايتقىش ءوندىرىسى ورىستەيدى

47 رەت كورسەتىلدى

يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆتىڭ توراعالىعىمەن وتكەن جيىندا شارۋا يەلەرىن مينەرالدى تىڭايتقىشتارمەن قامتاماسىز ەتۋ ماسەلەسى تالقىلاندى. كەڭەسكە ەنەرگەتيكا، اۋىل شارۋاشىلىعى مينيسترلىكتەرىنىڭ، سونداي-اق وتاندىق كاسىپورىنداردىڭ وكىلدەرى قاتىستى.

حيميا ونەركاسىبى باسقار­ماسى­نىڭ باسشىسى لاۋرا وتە­­مۇراتوۆانىڭ ايتۋىنشا، بۇگىن­دە نارىقتا بەيورگانيكالىق تىڭايت­قىشتاردىڭ 9 ءتۇرى قولدانىلادى. ولاردىڭ قاتارىندا جوعارى سۇرانىسقا يە تىڭايتقىشتاردىڭ 5 ءتۇرى بار، ياعني سەليترا (ازوتتى)، ماف/داف نەمەسە امموفوس (ەكى كومپونەنتتى)، امموني سۋلفاتى (ازوتتى)، كارباميد (ازوتتى)، NPK نەمەسە كۇردەلى ء(ۇش كومپونەنتتى).

اۋىل شارۋاشىلىعى مي­نيستر­لىگىنىڭ دەرەكتەرى بويىنشا، 2023 جىلعا ارنالعان جوسپارلى قاجەتتىلىك 703 مىڭ توننانى قۇرايدى. بۇل وتكەن جىلمەن سالىستىرعاندا 100 مىڭ تونناعا ارتىق (2021 جىلى – 604 مىڭ).

قازىرگى ۋاقىتتا نارىقتىڭ جارتىسىنا جۋىعى يمپورتتالعان تىڭايتقىشتارعا تاۋەلدى. بۇل ماسەلەنى شەشۋ ءۇشىن بىرنەشە ءىرى ينۆەستيتسيالىق جوبالاردى ىسكە اسىرۋ جوسپارلانعان.

«قازازوت» اق 2026 جىلعا قاراي اممياك-كارباميد كەشەنىن سالۋدى جوسپارلاپ وتىر. زاۋىت­تىڭ قۋاتتىلىعى – 500 مىڭ توننا اممياك، 500 مىڭ توننا سەليترا، 500 مىڭ كارباميد. وسىلايشا، 2028 جىلعا قاراي تولىق قۋاتقا شىققان كەزدە سەليترانى ءوندىرۋ كولەمى جىلىنا 900 مىڭ توننا­عا دەيىن ارتادى. سونداي-اق ىشكى نارىقتىڭ كارباميدكە دەگەن قاجەتتىلىگىن تولىعىمەن جابامىز»، دەپ اتاپ ءوتتى لاۋرا وتەمۇراتوۆا.

بۇدان بولەك، اعىمداعى جىل­دىڭ ناۋرىز ايىندا «قازفوسفات» جشس مەن «ۋرالحيم» بحك» اق (رف) ارا­سىندا سۇرانىس­قا يە تىڭايت­قىشتاردى وندىرۋ­گە باعىتتالعان جوبالاردى بىرلەسىپ ىسكە اسىرۋ بويىنشا مەموراندۋمعا قول قويىلدى. وسىلايشا، اممياك جانە كەشەندى تىڭايتقىشتار ءوندىرىسى بويىنشا بىرلەسكەن جوبانى ىسكە اسىرۋ كوزدەلىپ وتىر.

سوڭعى جاڭالىقتار

اققان جۇلدىز ىزىمەن

تانىم • كەشە

ساحناعا ادالدىق

ونەر • كەشە

ۇقساس جاڭالىقتار