ۆەدومستۆو مەن ەنشىلەس ۇيىمداردىڭ وكىلدەرى وبلىستىڭ شالعاي اۋداندارىن ارالاپ شال اقىن مەن تيميريازەۆ اۋداندارىندا حالىقپەن, جاستارمەن, ەڭبەك ۇجىمدارىمەن, جۇمىسپەن قامتۋ جانە حالىققا قىزمەت كورسەتۋ ورتالىقتارىنىڭ قىزمەتكەرلەرىمەن, اۋىلدىق وكرۋگتەردىڭ اكىمدەرىمەن جانە ءماسليحات دەپۋتاتتارىمەن كەزدەسۋلەر وتكىزدى.
تىڭداۋشىلار الدىندا ءسوز سويلەگەن ءموبيلدى توپتىڭ جەتەكشىسى – ەڭبەكتى قورعاۋ جونىندەگى عىلىمي-زەرتتەۋ ينستيتۋتى باس ديرەكتورىنىڭ ورىنباسارى ءالىمجان بەكماعامبەتوۆ الەۋمەتتىك كودەكستىڭ نەگىزگى نورمالارى تۋرالى ايتىپ, وتباسىنىڭ تسيفرلىق كارتاسىن ەنگىزۋگە نازار اۋداردى.
«1 قىركۇيەكتەن باستاپ قازاقستاندا الەۋمەتتىك-ەڭبەك سالاسىنداعى 5 قىزمەت بويىنشا قاناتقاقتى رەجىمدە الەۋمەتتىك كودەكستىڭ قۇرامداس بولىگى بولىپ سانالاتىن وتباسىنىڭ تسيفرلىق كارتاسى ىسكە قوسىلدى. بۇل – ازاماتتاردى ءتيىستى ورگاندارعا جۇگىنۋ قاجەتتىلىگىنسىز, پرواكتيۆتى فورماتتا ۇسىنا وتىرىپ, كەپىلدەندىرىلگەن مەملەكەتتىك قولداۋدىڭ قانداي دا ءبىر ءتۇرىن الۋ قۇقىعىنىڭ تۋىنداعانى تۋرالى حاباردار ەتەتىن «ەلەكتروندىق حابارلاۋشىنىڭ» ءبىر ءتۇرى. مەملەكەتتىك ورگانداردىڭ اقپاراتتىق جۇيەلەرىنىڭ دەرەكتەرى نەگىزىندە تسيفرلىق كارتادا 6 ملن وتباسى جانە ولاردىڭ 19 ملن مۇشەسى تۋرالى اقپارات جيناقتالعان. وتباسىنىڭ تسيفرلىق كارتاسى ارقىلى پرواكتيۆتى فورماتتا مەملەكەتتىك قولداۋ شارالارى 5 مىڭ ازاماتقا تاعايىندالدى», دەدى ءالىمجان بەكماعامبەتوۆ.
سونداي-اق ول جىل سوڭىنا دەيىن كورسەتىلەتىن قىزمەتتەر تىزبەسى كەڭەيتىلىپ, 2025 جىلعا قاراي تسيفرلىق كارتا الەۋمەتتىك سالاداعى, دەنساۋلىق ساقتاۋ مەن ءبىلىم بەرۋدەگى مەملەكەتتىك كەپىلدىكتەردىڭ بارلىق ءتۇرىن قامتيتىنىن قوستى.
سونىمەن قاتار سولتۇستىك قازاقستان وبلىسىنىڭ تۇرعىندارىمەن كەزدەسۋ بارىسىندا ءموبيلدى توپ مۇشەلەرى جولداۋدىڭ جانە الەۋمەتتىك كودەكستىڭ باسقا دا ماڭىزدى باعىتتارىن جۇزەگە اسىرۋ تۋرالى ايتىپ بەردى. اتاپ ايتقاندا, مەملەكەتتىك جاردەماقى مەن بالا كۇتىمى بويىنشا الەۋمەتتىك تولەمدەردى تولەۋ مەرزىمىن ۇلعايتۋ, ەتج ۇلعايتۋ, ەلەكتروندىق ەڭبەك بيرجاسى بازاسىندا تسيفرلىق ەكوجۇيەنى قالىپتاستىرۋ, جۇمىسپەن قامتۋ سالاسىنداعى جاڭا ساياسات, جاڭا كوشى-قون ساياساتى, وقىتۋ جۇيەسىن دامىتۋ جانە كاسىبي داعدىلاردى سەرتيفيكاتتاۋ, ارناۋلى الەۋمەتتىك قىزمەتتەر جۇيەسىن جاڭعىرتۋ, زەينەتاقى تولەمدەرىن ارتتىرۋ جانە ت.ب.
