ۇكىمەت • 29 قىركۇيەك، 2022

ۇكىمەتتە سۋ سالاسىنىڭ ماتەريالدىق-تەحنيكالىق ماسەلەلەرى تالقىلاندى

67 رەت كورسەتىلدى

پرەمەر-مينيستر ءاليحان سمايىلوۆتىڭ توراعالىعىمەن وتكەن قازاقستان سۋ كەڭەسىنىڭ وتىرىسىندا سۋ رەسۋرستارى كوميتەتىنىڭ جانە ونىڭ باسسەيندىك ينسپەكتسيالارىنىڭ كادرلىق الەۋەتىن نىعايتۋ، سونداي-اق ولاردىڭ ماتەريالدىق-تەحنيكالىق جاراقتاندىرىلۋىن جاقسارتۋ ماسەلەلەرى تالقىلاندى، دەپ حابارلايدى Egemen.kz.

ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆتىڭ ايتۋىنشا، قازاقستاننىڭ سۋ رەسۋرستارىن باسقارۋ تيىمدىلىگىن ارتتىرۋ ءۇشىن سۋ رەسۋرستارى كوميتەتىنىڭ ۇيىمدىق قۇرىلىمىن قايتا قاراۋ جانە كۇشەيتۋ، سونداي-اق اۋماقتىق باسسەيندىك ينسپەكتسيالاردى ايتارلىقتاي نىعايتۋ ۇسىنىلىپ وتىر. 

تالقىلاۋعا پرەمەر-ءمينيستردىڭ ورىنباسارى – قارجى ءمينيسترى ەرۇلان جاماۋباەۆ، ۇلتتىق ەكونوميكا ءمينيسترى الىبەك قۋانتىروۆ جانە حالىقارالىق ارالدى قۇتقارۋ قورىنىڭ قازاقستانداعى وكىلى ءامىرحان كەنشىموۆ قاتىستى. 

پرەمەر-مينيستر ءتيىستى بولىمشەلەردى ماتەريالدىق-تەحنيكالىق جاعىنان قامتاماسىز ەتۋدى كەڭەيتۋ جونىندەگى ۇسىنىستى قولدادى. بۇل رەتتە ول ەكولوگيا مينيسترلىگىنە كادر ساياساتىنا قاتىستى ۇسىنىلىپ وتىرعان شارالارعا قوسىمشا تالداۋ جۇرگىزۋدى تاپسىردى.

«عىلىم مەن بىلىمگە دە ەرەكشە كوڭىل ءبولۋ كەرەك. سۋ شارۋاشىلىعى عىلىمىن دامىتۋ، ءتيىستى عزي-ءدى كۇشەيتۋ بويىنشا ۇسىنىستار بەرىڭىز، ويتكەنى عىلىمسىز بۇل سالانى دامىتا المايمىز. كادرلاردى دايارلاۋ كەزىندە زاماناۋي كاسىبي ستاندارتتاردى ەنگىزۋگە باسا نازار اۋدارىلۋى ءتيىس»، دەدى ءاليحان سمايىلوۆ.

سوڭعى جاڭالىقتار

الماتىدا ەكى اۆتوبۋس سوقتىعىستى

ايماقتار • بۇگىن، 11:33

ۇقساس جاڭالىقتار