قوعام • 29 قىركۇيەك، 2022

ادىلەت مينيسترلىگى قازاقستاندىقتارعا ۇندەۋ جولدادى

64 رەت كورسەتىلدى

ادىلەت مينيسترلىگى تۇرعىن ءۇيدى جالعا الۋ باعاسىنىڭ ءوسۋى بويىنشا جاعدايعا تۇسىنىكتەمە بەردى، دەپ حابارلايدى Egemen.kz.

«قۇرمەتتى ازاماتتار!

سوڭعى ۋاقىتتا تۇرعىن ءۇيدى جالداۋ قۇنىنىڭ وسۋىنە قاتىستى شاعىمدار كوبەيىپ كەلەدى.

وسىعان بايلانىستى ادىلەت مينيسترلىگى كەلەسىنى تۇسىندىرەدى.

تۇرعىن ءۇيدى جالداۋ-م ۇلىكتىك جالداۋدىڭ ءبىر ءتۇرى.

ازاماتتىق زاڭنامادا شارتتاردى، ونىڭ ىشىندە م ۇلىكتىك جالداۋ شارتتارىن جاساسۋدىڭ، وزگەرتۋدىڭ جانە بۇزۋدىڭ جالپى تالاپتارى بەلگىلەنگەن.

م ۇلىكتىك جالداۋ شارتىنىڭ بارلىق ەلەۋلى تالاپتارىن، ونىڭ ىشىندە جالداۋ قۇنىن، مەرزىمىن تاراپتار ءوزارا كەلىسىم بويىنشا دەربەس ايقىندايدى.

تۇرعىن ءۇيدى جالداۋ شارتى جازباشا تۇردە جاسالادى.

شارتتىڭ بارلىق ەلەۋلى تالاپتارى، سونداي-اق ولاردى وزگەرتۋ ءتارتىبى الدىن الا ايقىندالۋى ءتيىس.

جالعا بەرۋشىنىڭ باستاماسى بويىنشا شارتتى بىرجاقتى تارتىپپەن بۇزۋعا زاڭدا ايقىندالعان جاعدايلاردا عانا جول بەرىلەدى.

وسىلايشا، ازاماتتىق كودەكستىڭ 556-بابىنا سايكەس جالعا بەرۋشiنiڭ تالابى بويىنشا مىناداي جاعدايلاردا:

1) ەگەر جالعا الۋشى مۇلiكتi شارت تالاپتارىن نەمەسە مۇلiكتiڭ ماقساتىن ەلەۋلi تۇردە بۇزىپ، جالعا بەرۋشiنiڭ مۇنداي iس-ارەكەتتi توقتاتۋ تۋرالى جازباشا ەسكەرتۋiنە قاراماستان پايدالانسا;

2) ەگەر جالعا الۋشى قاساقانا نەمەسە ابايسىزدا مۇلiكتi ەلەۋلi تۇردە ناشارلاتسا;

3) ەگەر جالعا الۋشى مۇلiكتi پايدالانعانى ءۇشiن شارتتا بەلگiلەنگەن تولەم مەرزiمiنiڭ ءوتۋi بويىنشا ەكi رەتتەن استام تولەم جاساماسا;

4) ەگەر جالعا الۋشى جالعا الۋ شارتىندا بەلگiلەنگەن مەرزiمدە م ۇلىكتى كۇردەلى جوندەۋدەن وتكىزبەسە، ال ول شارتتا كورسەتىلمەگەن جاعدايدا - زاڭ اكتiلەرiنە نەمەسە شارتقا سايكەس كۇردەلi جوندەۋ مiندەتi جالعا الۋشىعا جۇكتەلگەن جاعدايلاردا، ونى قيسىندى مەرزiمدە وتكiزبەسە، مۇلiكتiك جالداۋ شارتى بۇزىلىپ، مۇلiك جالعا بەرۋشiگە قايتارىلۋى مۇمكiن.  

جالعا بەرۋشi جالعا الۋشىعا ءوز مiندەتiن قيسىندى مەرزiمدە ورىنداۋعا مۇمكiندiك بەرiلگەننەن كەيiن عانا شارتتى مەرزiمiنەن بۇرىن بۇزۋدى تالاپ ەتۋگە قۇقىلى.

ەگەر جالعا بەرۋشى جالعا الۋشىعا جالداۋ اقىسىن كوبەيتۋدى مىندەتتەسە، مۇنداي وزگەرىس شارتتا بەلگىلەنگەن تارتىپپەن عانا جۇزەگە اسىرىلۋى مۇمكىن.

ەگەر جالعا بەرۋشى شارتتىڭ تالاپتارىن بىرجاقتى تارتىپپەن وزگەرتكەن بولسا، ونىڭ ىشىندە تۇرعىن ءۇيدى جالعا الۋ باعاسىن كوتەرگەن جانە شارتتى مەرزىمىنەن بۇرىن بۇزعان جاعدايدا، شارت اۋىزشا نىساندا جاسالعان بولسا دا، بۇل ماسەلەلەر سوت تارتىبىمەن شەشىلۋگە ءتيىس.

***        

تۇرعىن ءۇيدى ۇزاق مەرزىمدى كەزەڭگە (1 جىلدان استام) جالعا الاتىن ازاماتتارعا قاتىستى زاڭناماعا سايكەس مۇنداي شارتتار «ازاماتتارعا ارنالعان ۇكىمەت» كەاق (حقكو) تىركەلۋى ءتيىس ەكەنىن اتاپ وتەمىز. 

بۇل پروتسەدۋرا سونىمەن قاتار جالداۋشىلاردىڭ دا، جالعا بەرۋشىلەردىڭ دە قۇقىقتارىن قورعاۋدى كۇشەيتۋ ءۇشىن قوسىمشا شارا رەتىندە قىزمەت ەتەدى.

***

جىلجىمايتىن م ۇلىكتى جالعا بەرۋ كاسىپكەرلىك قىزمەتكە جاتادى. تۇرعىن ءۇيدى زاڭسىز جالعا بەرگەنى جانە سالىق تولەۋدەن جالتارعانى ءۇشىن اكىمشىلىك جاۋاپكەرشىلىك قاراستىرىلعان (اقبتك-ءنىڭ 463-بابى 15 اەك-تەن باستاپ).

جەكە كاسىپكەر رەتىندە تىركەلۋ ءۇشىن ەكىنشى دەڭگەيلى بانكتەر نەگىزىندە جاسالعان ءارتۇرلى قوسىمشالاردى پايدالانۋعا بولادى.

***

تۇرعىن ءۇيدى جالعا الۋ ماسەلەلەرى بويىنشا زاڭ كەڭەسىن الۋ ءۇشىن ءسىز «119» ءنومىرى بويىنشا ادىلەت مينيسترلىگىنىڭ تاۋلىك بويى تەگىن قۇقىقتىق اقپاراتتىق قىزمەتىنە، سونداي-اق وڭىرلىك ادۆوكاتتار القالارى مەن زاڭ كونسۋلتانتتارى پالاتالارىنا جۇگىنە الاسىز.     «ادۆوكاتتىق قىزمەت جانە زاڭ كومەگى تۋرالى» زاڭعا سايكەس قۇقىقتىق كونسۋلتاتسيا بەرۋ كەلەسى تۇلعالارعا مەملەكەت ەسەبىنەن تەگىن كورسەتىلەدى:

- ۇلى وتان سوعىسىنا قاتىسۋشىلار، جەڭىلدىكتەر بويىنشا ۇلى وتان سوعىسىنا قاتىسۋشىلارعا تەڭەستىرىلگەن ادامدار، سونداي-اق باسقا مەملەكەتتەردىڭ اۋماعىنداعى ۇرىس قيمىلدارىنىڭ ارداگەرلەرى، مەرزىمدى قىزمەتتەگى اسكەري قىزمەتشىلەر، ءبىرىنشى جانە ەكىنشى توپتاعى مۇگەدەكتىگى بار ادامدار، جاسى بويىنشا زەينەتكەرلەر بولىپ تابىلاتىن، كاسىپكەرلىك قىزمەتپەن بايلانىستى ەمەس ماسەلەلەر بويىنشا جەكە تۇلعالارعا;

- كاسىپكەرلىك قىزمەتپەن بايلانىستى ەمەس ماسەلەلەر بويىنشا كوپبالالى وتباسىلارعا;

- كاسىپكەرلىك قىزمەتپەن بايلانىستى ەمەس ماسەلەلەر بويىنشا جان باسىنا شاققانداعى ورتاشا ايلىق كىرىستەرى وبلىستاردا، رەسپۋبليكالىق ماڭىزى بار قالالاردا، استانادا بەلگىلەنگەن كەدەيلىك شەگىنەن تومەن تابىسى از ادامدارعا (وتباسىلارعا).

ادىلەتمينى ءوز تاراپىنان بارلىق ادۆوكاتتىق قوعامداستىق پەن زاڭ كونسۋلتانتتارى قاۋىمداستىعىن وسىنداي جاعدايعا تاپ بولعان بارلىق ازاماتتارعا قۇقىقتىق كومەك كورسەتۋگە شاقىرادى.

قورىتىندىلاي كەلە، ادىلەتمينى نارىقتىڭ بارلىق قاتىسۋشىلارىنا، ونىڭ ىشىندە جالعا بەرۋشىلەرگە ءبىر ساتتىك جەكە پايدانى ءبىرىنشى ورىنعا قويماۋعا، ازاماتتىق قۇقىقتىق قاتىناستاردىڭ قاتىسۋشىلارى رەتىندە ادالدىق قاعيداتىن باسشىلىققا الۋعا شاقىرادى»، دەلىنگەن مينيسترلىك ۇندەۋىندە.

 

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

شەكارانى بۇكىل ەل قورعايدى

قوعام • 02 جەلتوقسان، 2022

ۇقساس جاڭالىقتار