دزيۋدو. وسى كۇندەرى دزيۋدودان پولشانىڭ بەلسكو-بيالا قالاسىندا كادەتتەر اراسىندا ەۋروپا كۋبوگى جولىنداعى جارىس وتۋدە.
وعان قازاقستان قۇراماسى دا قاتىسۋدا. ءبىزدىڭ دزيۋدوشىلار بەلدەسۋلەردىڭ العاشقى كۇنى 5 مەدالدى جەڭىپ الدى.
جارىستا قىزدار اراسىندا اقمارال ناۋاتبەك (40 كگ), ەرلەر اراسىندا ماديار سەمباەۆ (66 كگ) جەڭىمپاز اتاندى. قولا مەدالدى ماعجان شامشادين (55 كگ), گۇلدانا مۇرات (44 كگ) پەن انار اسىلحانوۆا (52 كگ) يەلەندى.
كيوكۋشينكاي-كان كاراتە. جاقىندا بولگاريانىڭ ۆارنا قالاسىندا كاراتەنىڭ وسى ءتۇرىنىڭ 50 جىلدىعىنا ارنالعان ەرلەر مەن ايەلدەر, جاسوسپىرىمدەر جانە ارداگەرلەر اراسىندا ەۋروپا چەمپيوناتى ءوتتى.
وندا ءبىزدىڭ قۇرامادان تەمىرلان جانىبەك التىن جۇلدەنى جەڭىپ الدى. تاعى ءتورت كاراتەشىمىز الىشەر كارمەنوۆ, مەيرام بيمجانوۆ, بوريس اكسەنوۆ پەن نۇرلىحان سادۋاقاسوۆ قولا جۇلدەنى يەلەندى.
فۋتبول. دەمالىس كۇندەرى ەلىمىزدىڭ 6 قالاسىندا قازاقستاننىڭ پرەمەر-ليگاسىنىڭ 12-تۋرى ءوتتى.
وسى تۋردا ەكى ءىرى ەسەپ تىركەلدى. «اقتوبە» ءوز الاڭىندا قاراعاندىنىڭ «شاحتەرىن» قابىلداپ, 4:0 ەسەبىمەن ۇتسا, پاۆلوداردىڭ «ەرتىسى» سەمەيدىڭ «سپارتاگىن» 5:0 ەسەبىمەن جەڭدى. «قايرات» الماتىدا تالدىقورعاننىڭ «جەتىسۋ» كلۋبىنان ايلاسىن اسىردى. ەسەپ – 2:1. ال تارازعا قوناققا بارعان قىزىلوردانىڭ «قايسارى» جەرگىلىكتى كوماندانى 1:0 ەسەبىمەن ۇتتى.
باسقا ەكى ويىن تەڭ ەسەپپەن اياقتالدى. «استانا» – «ورداباسى» كەزدەسۋىندە ەسەپ 1:1بولسا, قوستانايدا «توبىل» مەن «اتىراۋ» كوماندالارىنىڭ اراسىندا وتكەن ماتچتا ەسەپ اشىلمادى.
پرەزيدەنتتىك سىناما. سەنبى كۇنى استانادا سپورت جانە دەنەشىنىقتىرۋ ىستەرى اگەنتتىگىنىڭ ۇيىمداستىرۋىمەن مەملەكەتتىك قىزمەتكەرلەر اراسىندا پرەزيدەنتتىك سىنامانى تاپسىرۋعا ارنالعان جارىستار باستالدى.
بۇل سىننىڭ ءبىرىنشى كەزەڭى 17-18 مامىر كۇندەرى وتسە, ەكىنشىسى 24-25 مامىردا وتەدى. سپورت جانە دەنە شىنىقتىرۋ ىستەرى اگەنتتىگى توراعاسىنىڭ ورىنباسارى سارسەن قۇرانبەكتىڭ ايتۋىنشا, وعان 9 مەملەكەتتىك ورگاننىڭ جانە 5 اگەنتتىككە باعىنىشتى كاسىپورىن, مەكەمەلەردىڭ 470-كە جۋىق قىزمەتكەرى قاتىسۋدا.
– پرەزيدەنتتىك سىناما تاپسىرۋ ەرىكتى تۇردە وتكىزىلەدى. ونىڭ باستى ماقساتى حالىقتىڭ بويىندا سالاماتتى ءومىر سالتىن قالىپتاستىرۋ, ازاماتتاردىڭ دەنە دايىندىعىن انىقتاۋ, – دەيدى س.قۇرانبەك.
وسى سىننىڭ ءبىرىنشى كەزەڭىندە 60, 100, 500, 1000, 2000, 3000 مەترگە جۇگىرۋ مەن ۇزىندىققا سەكىرۋدەن جارىستار وتسە, ەكىنشى كەزەڭدە پنەۆماتيكالىق ۆينتوۆكادان اتۋ, تۋرنيككە تارتىلۋ مەن جۇزۋدەن سايىستار وتەدى.
«ەگەمەن-اقپارات».
قازاقستاندىق بىلعارى قولعاپ شەبەرى يۆان دىچكو الەم چەمپيوناتىنان كەيىن رينگكە قايتا ورالىپ, وزبەكستاننىڭ تاشكەنت قالاسىندا وتكەن سيدنەي دجاكسوندى ەسكە الۋعا ارنالعان حالىقارالىق ءتۋرنيردىڭ جەڭىمپازى اتاندى.
