اگروكەشەندى نەسيەلەندىرۋ العا باستى

ەلىمىزدەگى اۋىل شارۋاشىلىعى سالاسىنىڭ وكىلدەرى مەملەكەت تاراپىنان كورسەتىلەتىن قولداۋدىڭ جىلدان-جىلعا ارتىپ كەلە جاتقانىنا ريزاشىلىقتارىن ءبىلدىرىپ وتىر. جۋىردا گلۋبوكوە اۋدانىنداعى كوكتەمگى ەگىس جۇمىستارىمەن تانىسقان ەدىك. بىسترۋحا اۋىلىنىڭ ىرگەسىندەگى ەرتە ەگىلگەن ەگىستىك كوگەرىپ ءوسىپ تۇرسا, كىشى ءۇبى اۋىلى جانىنداعى القاپتا جاپ-جاڭا تراكتورلار جاپ-جاڭا تۇقىمسەپكىش قۇرىلعىلارىن سۇيرەتىپ, كۇنباعىس تۇقىمىن سەۋىپ ءجۇر. اتالعان اتىزدار «شىعىس بيداي» اۋىلدىق تۇتىنۋ كووپەراتيۆىنىڭ ەنشىسىندە ەكەن. «شىعىس بيداي» كووپەراتيۆى وتكەن جىلى «بىسترۋشينسكوە» جانە «ۆەسنا 2011» جشس-لارىنىڭ قوسىلۋى ناتيجەسىندە قۇرىلعان بولاتىن. كەيىنگى جىلدارى «اگرارلىق نەسيە كورپوراتسياسى» اق ارقىلى 30 ميلليون تەڭگەدەن استام جەڭىلدەتىلگەن نەسيە الىپ جۇمىس ىستەپ جاتقان كووپەراتيۆ جەتەكشىلەرىمەن سويلەسكەن ەدىك. – وسىعان دەيىن قولدا بار  ماتە­ريالدىق-تەحنيكالىق قۇرال-جاب­دىقتارىمىز ەسكى بولعاندىقتان ءتيىمدى نەسيە الۋعا قولىمىز جەتپەي ءجۇردى. شارۋاشىلىعىمىزدى كەڭەيتۋدىڭ ءتۇرلى جولدارىن قاراس­تىرىپ جۇرگەندە «اگرارلىق نەسيە كورپوراتسياسى» اق تۋرالى ءبىلىپ, نەسيە الۋ جونىندە ءوتىنىش بىلدىردىك. ولار بىزگە اۋىلدىق تۇتىنۋ كووپە­راتيۆىن قۇرۋدى ۇسىندى. وسىلايشا, «بىسترۋشينسكوە» جانە «ۆەسنا 2011» جشس-لەرى بىرىككەن ەدىك. «شىعىس بيداي» اۋىلدىق تۇتىنۋ كووپەراتيۆى ارقىلى قول جەتكىزگەن نەسيە ءبىزدىڭ ەسكى ماتەريالدىق-تەح­نيكالىق بازامىزدى جاڭالاۋعا, ساپالى تىڭايتقىشتار ساتىپ الۋعا مۇمكىندىك بەردى. كورپوراتسيانىڭ اۋىل شارۋاشىلىعى تاۋار ءوندى­رۋشىلەرىن قولداۋى جۇمىستى جاڭا قارقىنمەن, ءونىمدى اتقارۋعا جەتەلەدى. جەڭىلدىكپەن الىنعان نەسيە اۋىل شارۋاشىلىعىندا ەڭبەك ەتەتىن ءبىز ءۇشىن ۇلكەن كومەك, – دەدى «شىعىس بيداي» اۋىلدىق تۇتىنۋ كووپەراتيۆىنىڭ توراعاسى, «بىس­ترۋشينسكوە» جشس ديرەكتورى يۆان سەليۆانوۆ. يۆان ءميحايلوۆيچتىڭ ايتۋىنشا, كووپەراتيۆ بىلتىر نەسيەنىڭ 8 ميلليون تەڭگەلىك العاشقى بولىگىن الىپ, جيىن-تەرىن ماۋسىمىنان سوڭ جاۋىپ ۇلگەرگەن. نەگىزى, 30 ميلليون تەڭگەدەن استام قارجىنى بەس جىل ءىشىن­دە قايتارماق. 2013 جىلدان باستاپ شارۋا­شىلىققا العاش رەت ساپالى تىڭايت­قىش قولدانىلا باستادى. ناتيجەسىندە, ەگىستىك جيىنى ورتا ەسەپپەن گەكتارىنا 3-4 تسەنتنەرگە كوبەيدى. ماسەلەن, بۇعان دەيىن 10-11 تسەنتنەردەن اسپايتىن كۇنباعىس ءتۇسىمى بىلتىر گەكتارىنا 18 تسەنتنەردى قۇرادى. بىسترۋحا ەلدى مەكەنىندە ورنا­لاسقان «شىعىس بيداي» كووپەراتيۆى قازىرگى كەزدە 40-تان استام اۋىل تۇر­عىنىن جۇمىسپەن قامتىپ وتىر. كووپەراتيۆتىڭ ەنشىسىندە 1200 گەكتاردان استام جەرى بار. «اگرارلىق نەسيە كورپوراتسياسى» اق شىعىس قازاقستان وبلىسى بويىنشا  فيليال ديرەكتورىنىڭ ورىنباسارى نۇرجان سادىقوۆتىڭ ايتۋىنشا, مەملەكەت تاراپىنان كورپوراتسيا ارقىلى 2006 جىلدان باستاپ اۋىلدىق تۇتىنۋ كووپەراتيۆتەرىن نەسيەلەۋ باعدارلاماسى جۇزەگە اسىرىلىپ كەلەدى. بۇل نەسيەنىڭ ارتىقشىلىعى – بىرنەشە فەرمەرلىك شارۋاشىلىقتار مەن جەكە قوجالىقتار اۋىلدىق تۇتىنۋ كووپەراتيۆىنە بىرىگە وتىرىپ, وزدەرىنىڭ الەۋەتىن ارتتىرۋعا مۇمكىندىك الادى. اتالعان اۋىل شارۋاشىلىعى تاۋار وندىرۋشىلەرىن بىرىكتىرىپ ءارى قاراي دامىتۋ ءۇشىن «اگرارلىق نەسيە كورپوراتسياسى» اق ۇنەمى قولداۋ ءبىلدىرىپ كەلەدى. ايتالىق, 2006 جىلدان بەرى رەسپۋبليكا بويىنشا كورپوراتسيا تاراپىنان 147 اۋىلدىق تۇتىنۋ كووپەراتيۆى 11 ميلليارد 800 ميلليوننان استام تەڭگەگە قارجىلاندىرىلدى. ياعني, بۇل كووپەراتيۆتەر ارقىلى 6 مىڭنان استام اۋىل شارۋاشىلىعى تاۋ­ارىن ءوندىرۋشى بىرىكتى. بۇل بيۋدجەتتىك باعدار­لاما اياسىندا شىعىس قازاقستان وبلىسىنداعى 12 اۋىلدىق تۇتىنۋ كووپەراتيۆى نەسيەلەندىرىلگەن. سوڭعى ءۇش جىلدا اۋىل شارۋاشىلىعى تاۋار وندىرۋشىلەرىنە وبلىس كولەمىندە 700 ميلليون تەڭگەگە جۋىق قارجى بولىنگەن. دۋمان اناش, «ەگەمەن قازاقستان». شىعىس قازاقستان وبلىسى.