ءسان بەرگەن سەنبىلىكتەر

بۇل كۇندە ءوندىرىستى ايماقتاعى قالالار مەن ەلدى مەكەندەر اپتا سايىن ءدۇر جاڭارىپ, جايناپ سالىپ ءجۇر دەۋگە بولادى. كوگىلدىر كوكتەم نۇرىن شاشقاننان بەرگى ۋاقىتتا ۇزبەي وتكىزىلىپ جاتقان سەنبىلىكتەر قورشاعان ورتانىڭ كوركى شىرايلانۋىن جالعاستىرىپ جاتىر. وسىناۋ تاماشا شاراعا جۇرتتىڭ جاپپاي بەلسەنە اتسالىسۋى ۇلگىلى ۇردىسكە اينالعان. وبلىس اكىمى باۋىرجان ابدىشەۆتىڭ دە ءاردايىم كوپشىلىكپەن بىرگە اعاش وتىرعىزىپ, قاتاردان قالىسپاۋى ۇيرەنشىكتى قالىپ. كەزەكتى سەنبىلىكتىڭ ءبىر شارۋا­سى قاراعاندىداعى مۇز ايدى­نى سارايىنىڭ اينالاسىن كورىكتەن­دى­رۋگە ارنالدى. جان-جاعى جي­نالىپ, تازارتىلعان وسى جەردە ەگىلگەن الاتاۋدىڭ 100 شىرشاسى اجارىن اشىپ, جەلكىلدەي ءوسىپ, تامىر جايماق. 1 ساۋىردەن باستاۋ العان كوگال­داندىرۋ ءىس-شاراسىنا ءوڭىر بويىنشا 200 مىڭنان استام ادام قا­تىسىپ, 18 مىڭ گەكتار اۋماقتى جان جادىراتارلىق كەلبەتكە ەن­گىزدى. جىل­داعىداي كوشەلەر مەن اۋلا­­لار بويى, ساياباقتار وسكىن جاسىل جەلەك­تەرمەن تولىعىپ جاي­قالدى. بيىل­عى كوكتەمدە 20 مىڭ اعاش ءتۇبى مەن قىلقان جاپىراقتى بۇتالار وتىر­عىزىلدى. الدى بۋسانا بۇرلەپ, ءتوڭى­رەكتى قۇلپىرتا ءتۇسىپ كەلەدى. مامىر اياعىنا دەيىن سەنبىلىكتەر وسىمەن اياقتالمايدى. ەگىلگەن كو­شەتتەردى كۇتىپ-باپتاۋعا, تازار­تىلعان اينالانى قالپىندا ۇستاۋعا باعىتتالعان «تازا بەيسەنبىلەر» وتكى­زىپ تۇرۋمەن جالعاسادى. ايقىن نەسىپباي, «ەگەمەن قازاقستان». قاراعاندى.