ونەر • 28 قىركۇيەك، 2022

توكيودا قازاقستاندىق ءفيلمنىڭ تۇساۋكەسەرى وتەدى

68 رەت كورسەتىلدى

ەمير بايعازيننىڭ ء«ومىر» اتتى ءفيلمىنىڭ ازيا دەڭگەيىندەگى  تۇساۋكەسەرى 35-حالىقارالىق توكيو كينوفەستيۆالىندە (جاپونيا) وتپەك، دەپ جازادى Egemen.kz.

قازاقستاندىق تۋىندىمەن قاتار، بايقاۋدا قىتاي، يزرايل، يران، تۇركيا، ءۇندىستان، جاپونيا، يسپانيا، چيلي ەلدەرىنىڭ كينوتۋىندىلارى قاتىسادى. حالىقارالىق قازىلار القاسىنىڭ توراعاسى – امەريكالىق كينو، تەاتر جانە وپەرا رەجيسسەرى، پروديۋسەر دجۋلي تەيمور. ودان بولەك، قازىلار القاسىنىڭ قۇرامىنا وپەراتور ياناگيدجيما كاتسۋمي، اكتەر شيم ىن گيون، رەجيسسەر جواو پەدرو رودريگەس جانە جاپونياداعى فرانتسيا ينستيتۋتىنىڭ بۇرىنعى باسشىسى  ماري-كريستين دە ناۆاسەل كىردى.

– بۇل – رەجيسسەر ەمير بايعازيننىڭ جاڭا ءفيلمى. جاڭادان شىققان تۋىندىسىن ءبىر اۋىز سوزبەن تۇيىندەپ ايتا الماسپىن، مەن كورگەن باسقا قازاقستاندىق فيلمدەرگە ۇقسامايدى، ءتىپتى، الەمدەگى بارشا كينولارعا ۇقسامايدى دەگىم كەلەدى. بۇل قازىرگى كۇننىڭ الاساپىرانىن سۋرەتتەگەن تاڭعاجايىپ كينوتۋىندى، - دەدى فەستيۆال باعدارلاماسىنىڭ باسشىسى  شوزو يچياما توكيودا وتكەن ءباسپاسوز وتىرىسىندا.

ء«ومىر» ءفيلمىنىڭ كورسەتىلىمى 23 قازاننان 3 قاراشاعا دەيىن TOHO Cinemas Chanter - SC1 ي Marunouchi TOEI - SC1 كينوتەاترلارىندا وتەدى.

قازاقستاندىق ء«ومىر» ءفيلمىنىڭ دۇنيەجۇزىلىك تۇساۋكەسەرى تورونتو (كانادا) قالاسىنداعى حالىقارالىق فەستيۆال شەڭبەرىندە وتكەنىن ەسكە سالا كەتكەن ءجون. 

سونىمەن قاتار، قازاقستاننىڭ وسكار كوميتەتىنىڭ شەشىمى بويىنشا ء«ومىر» ءفيلمى ەلىمىزدىڭ اتىنان امەريكالىق «وسكار» كينواكادەمياسى سىيلىعىنىڭ «شەت تىلىندەگى ۇزدىك فيلم» نوميناتسياسىنا ۇسىنىلعانى تۋرالى جاقىندا بەلگىلى بولدى. ء«ومىر» ءفيلمى قازاقستان رەسپۋبليكاسىنىڭ مادەنيەت جانە سپورت مينيسترلىگىنىڭ تاپسىرىسى بويىنشا جانە ۇلتتىق كينونى قولداۋ مەملەكەتتىك ورتالىعى قولداۋىمەن تۇسىرىلگەن.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار